غزہ پر بمباری میں استعمال کولمبیا نے اسرائیل کو کوئلے کی فراہمی روکدی

کولمبیا کے صدر نے اسرائیلی مظالم کو نسل کشی اور ہولوکاسٹ قرار دیدیا تھا، فوٹو: فائل

---

اسرائیل غزہ پر جو بم برساتا ہے اس کی تیاری میں کولمبیا سے درآمد کردہ کوئلہ استعمال کرتا ہے جس پر کولمبیا نے کوئلے کی برآمد ہی روک دی۔

عالمی خبر رساں ادارے کے مطابق کولمبیا کے صدر گسٹاوو پیٹرو کا کہنا ہے کہ ہم سے خریدے گئے کوئلے کو اسرائیل نے فلسطینی بچوں کو مارنے والے بموں میں استعمال کیا۔ یہ ناقابل برداشت ہے۔

کولمبیا کے صدر گسٹاوو پیٹرو نے اعلان کیا بموں میں استعمال کی وجہ سے ان کا ملک اب اسرائیل کو کوئلہ برآمد نہیں کرے گا۔

یہ خبر پڑھیں : کولمبیا کا اسرائیل کیساتھ سفارتی تعلقات منقطع کرنے کا اعلان

خیال رہے کہ اسرائیل اپنی ضرورت کا 50 فیصد کوئلہ کولمبیا سے درآمد کرتا ہے اور گزشتہ برس کے ابتدائی 8 ماہ میں 320 ملین ڈالرز مالیت کا کوئلہ کولمبیا سے خریدا تھا۔

تاہم کولمبیا اپنے کوئلے کے سب سے بڑے خریدار اسرائیل کو اب مزید کوئلہ دینے سے انکار کردیا۔

یاد رہے کہ کولمبیا نے جون میں کوئلے کی برآمد میں کٹوتی کی تھی لیکن اسرائیل کے باز نہ آنے پر اب مکمل طور پر فراہمی بند کردی۔

یہ خبر بھی پڑھیں : غزہ میں نسل کشی؛ کولمبیا نے اسرائیل سے ہتھیاروں کی خریداری روک دی

قبل ازیں کولمبیا نے غزہ میں بمباری پر اسرائیل کے ساتھ سفارتی تعلقات ختم کردیے تھے اور غزہ میں اسرائیلی مظالم کو نسل کشی اور ہولوکاسٹ قرار دیدیا تھا۔