ACE Money Transfer کے لئے اسٹیٹ بینک آف پاکستان کی جانب سے بڑا اعزاز

روم: بیرون ملک سے پاکستان میں رقوم کی قانونی ترسیل کی سہولت فراہم کرنے کے حوالے سے دنیا کی چوتھی بڑی کمپنی کا درجہ رکھنے والی معروف عالمی ترسیلات زر کی کمپنی ACE Money Transfer کو اسٹیٹ بینک آف پاکستان کی جانب سے ایک بڑے اعزاز "Fourth Largest Global Fintech" سے نوازا گیا۔

کمپنی کو یہ ایوارڈ اسٹیٹ بینک کے 2024 Pakistan Remittance Summit کے موقع پر دیا گیا، جس کا انعقاد 28 نومبر 2024 کو اٹلی کے دارالحکومت روم میں کیا گیا۔

اس پروقار تقریب میں اسٹیٹ بینک کے وفد، اہم عالمی مالیاتی اسٹیک ہولڈرز ، فنانشل اداروں کے سربراہان، اور کمپنی کے CEO راشد اشرف نے شرکت کی ۔

ACE Money Transfer نے اسٹیٹ بینک کے غیر قانونی ترسیلات زر کے چینلز کے سد باب کے لئے شروع کئے گئے پروگرام Pakistan Remittance Initiative میں ایک کلیدی کردار ادا کرتے ہوئے بیرون ملک سے پاکستان قانونی ذرائع سے تیز محفوظ کم فیس، اور بہترین ریٹس پر رقوم کی ترسیل کو ممکن بنایا۔

پاکستان دنیا میں ترسیلات زر وصول کرنے والے ممالک میں پانچواں بڑا ملک ہے، جس میں بیرون ملک سے موصول ہونے والی رقوم ملکی معیشت کا اہم حصہ ثابت ہوتی ہیں ۔

حالیہ ریکارڈز کے مطابق اکتوبر 2024ء میں بیرون ملک سے بھیجی گئی رقوم میں سالانہ بنیاد پرخاطر خواہ اضافہ دیکھا گیا اور ان رقوم کا حجم 3.052 بلین ڈالرز ریکارڈ کیا گیا۔

حوالہ اور ہنڈی ( کرب مارکیٹ) جیسے غیر قانونی ذرائع پاکستان کو سال ہا سال کثیر فنڈز سے محروم کرتے ہیں۔

اس کی وجہ یہ بتائی جاتی ہے کہ آج بھی متعدد بیرون ملک مقیم پاکستانی اپنی محنت کی کمائی گھر منتقل کرنے کے لئے غیر منظم ذرائع کا استعمال کرتے ہیں، جو نا صرف غیر محفوظ ہیں، بلکہ غیر قانونی سرگرمیوں میں بھی استعمال ہوتے ہیں۔

ACE Money Transfer نے بلیک مارکیٹ کی روک تھام کے لئے حکومت پاکستان کے اہم اقدامات ، جن میں غیر قانونی چینلز کے خلاف جاری Pakistan Remittance Initiative (PRI) سرفہرست ہے، کو مؤثر بنانے کے لئے قیمتی کردار ادا کیا ہے۔

ACE Group of Companies کے CEO ، راشد اشرف نے اس اعزاز پر خوشی اور اطمینان کا اظہار کرتے ہوئے کہا ہے کہ: "ACE Money Transfer ہمیشہ صارفین کو بہتر خدمات فراہم کرنے اور پاکستان میں قانونی ذرائع سے ترسیلات زر کے فروغ کے لئے مصروف عمل رہی ہے۔

بیرون ملک مقیم پاکستانیوں کو غیر قانونی ذرائع کے خطرات اور نقصانات کے حوالے سے آگاہی فراہم کرنا اور انہیں قانونی چینلز کی طرف راغب کرنا ہماری اولین ترجیح ہے، تاکہ وہ سمندر پار رہتے ہوئے نا صرف بہتر انداز سے اپنے خاندان کی مالی ضروریات کو پورا کر سکیں بلکہ ملکی معیشت کی بحالی میں اہم کردار ادا کر سکیں "۔

ACE Money Transfer کے حوالے سے مزید جاننے کے لئے وزٹ کریں https://acemoneytransfer.com