زرمبادلہ کے سرکاری ذخائر میں مزید اضافہ

اسٹیٹ بینک کے مطابق ایشیائی ترقیاتی بینک اور دیگر آفیشل انفلوز سے زرمبادلہ کے ذخائر میں اضافہ ہوا


ویب ڈیسک December 05, 2024
اسٹیٹ بینک نے ڈالر کی آمد کے اعداد وشمار جاری کردیے—فوٹو: فائل

کراچی:

زرمبادلہ کے سرکاری ذخائر میں ایشیائی ترقیاتی بینک (اے ڈی بی) اور دیگر ذرائع سے حاصل ہونے والی رقم کے بعد مزید اضافہ ہوگیا ہے۔

اسٹیٹ بینک کی جانب سے جاری اعداد وشمار کے مطابق ایشیائی ترقیاتی بینک سے 50 کروڑ ڈالر اور دیگر آفیشل انفلوز سے زرمبادلہ کے سرکاری زخائر میں 62 کروڑ ڈالر کا اضافہ ہوگیا ہے۔

زرمبادلہ کے ذخائر کے حوالے سے بتایا گیا کہ اس رقم کے بعد سرکاری ذخائر کی مالیت 12 ارب 3 کروڑ 83 لاکھ ڈالر کی سطح پر آگئی  ہے۔

اسٹیٹ بینک کے مطابق ملک کے مجموعی ذخائر کا حجم 29 نومبر کو 16 ارب 62 کروڑ ڈالر ریکارڈ کیا گیا اور کمرشل بینکوں کے پاس 4 ارب 58 کروڑ 17 لاکھ ڈالر کے ذخائر موجود ہیں۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

مقبول خبریں