اسلام آ باد:
وزیراعظم شہبازشریف کی مولانا فضل الرحمان سے ان کی رہائش گاہ پر ملاقات کی اندرونی کہانی سامنے آگئی، ملاقات میں مولانا نے دینی مدارس کی رجسٹریشن والا معاملہ اٹھادیا۔
ذرائع کے مطابق اپوزیشن جماعتوں کے اسد قیصر کی رہائش گاہ پرعشائیے کے بعد حکومت نے مولانا سے رابطہ کیا جس پر مولانا نے وزیراعظم کو ملاقات کیلے مدعو کرلیا۔
مزید پڑھیں : وزیراعظم کی مولانا فضل الرحمان کی رہائش گاہ آمد، ملکی و سیاسی امور پر تبادلہ خیال
ذرائع کا کہنا ہے کہ وزیراعظم شہبازشریف اور مولانا فضل الرحمان کی ملاقات منگل کی رات کھانے کے بعد ہوئی جس میں مولانا نےدینی مدارس کی رجسٹریشن والا معاملہ اٹھایا اور وزیراعظم کو مدارس رجسٹریشن بل صوبوں سے منظورکرانے کا وعدہ یاد دلایا۔
یہ بھی پڑھیں : عوامی وسائل کا نقصان کرنیوالے اداروں میں مزید زیاں کی اجازت نہیں دوں گا، وزیراعظم
وزیراعظم نے کہاکہ وہ لاہور جا رہے ہیں اور وزیراعلیٰ پنجاب سے بل کی منظوری پر بات کریں گے، وزیراعظم نے یقین دہانی کرائی کہ وہ جمعیت علمائے اسلام اور پنجاب حکومت کا براہ راست رابطہ کروادیں گے۔
مزید پڑھیں : رمضان شوگر ملز کرپشن ریفرنس میں شہباز شریف اور حمزہ شہباز بری
ذرائع کے مطابق مولانا فضل الرحمان فاٹا اور جنوبی اضلاع کے معاملات پرپشاور میں جرگہ بلا رہے ہیں، دونوں رہنماؤں کے درمیان جرگے کے حوالے سے امور پر بھی بات چیت ہوئی جبکہ بلوچستان،سندھ اور کے پی کے میں امن و امان کی صورتحال بھی زیربحث آئی۔