ٹیکنالوجی کمپنی سام سنگ نے اپنے اسمارٹ فون گلیکسی ایس 25 ایج کی جھلک گزشتہ مہینے ہونے والے ان پیک ایونٹ میں کرائی جس میں اس کے پتلے ڈیزائن پر روشنی ڈالی گئی۔
اب اسمارٹ گیجٹ کے حوالے سے خبریں لیک کرنے والے آئس یونیورس نے اس بات کی تصدیق کی ہے کہ ایس 25 ایج وزن میں گلیکسی ایس 25 (جس کا وزن 162 گرام ہے) سے کم ہوگا۔
لیکس کے ایک اور قابلِ بھروسہ ذریعہ میکس جیمبور نے بتایا کہ یہ فون دوسرے سہ ماہی میں لانچ کیا جائے گا اور مبینہ طور پر وہ مہینہ اپریل کا ہوگا۔
آخری بار سام سنگ نے چھ برس قبل کم وزن فلیگ شپ گلیکسی ایس 10 متعارف کرایا تھا، جس کا وزن صرف 157گرام تھا۔ اس کے بعد سے اسمارٹ فون بہت بھاری ہوگئے ہیں اور اب اوسط درجے کے اسمارٹ فونز کا بھی اتنا ہلکا ہونا عام نہیں رہا ہے۔