بہت سے لوگ اپنی ٹانگوں پر چل کر پہاڑوں پر چڑھنے کی جدوجہد کرتے ہیں لیکن ایک چینی شخص اپنے ملک کے مقبول ترین پہاڑوں پر اپنے ہاتھوں کے بل چڑھ کر وائرل ہو گیا ہے۔
38 سالہ سن گو شان نے مئی 2023 میں ہاتھوں کے بل چڑھنے کی مشق شروع کی تھی لیکن گزشتہ سال اس نے چین کے 50 مقبول ترین پہاڑوں پر ہاتھوں کے بل چڑھ کر ایک یادگار چیلنج کا آغاز کیا۔
سن تعلیمی نظام میں ملازم تھے جب انہوں نے کورونا وائرس کے دوران صحت کی اہمیت کو محسوس کیا اور ہیلتھ ٹریننگ کا پیغام دینے کا فیصلہ کیا۔ اس کیلئے انہوں نے اپنے ملک کے پہاڑی قدرتی مقامات کو منفرد انداز سے نمایاں کرنے کی ٹھانی ۔
سن گو شان نے 2024 میں اپنے غیر معمولی چیلنج کا آغاز کیا، لیکن وہ تب وائرل ہوئے جب ان کا ایک کلپ ’ہیبت‘ نامی پہاڑ پر چڑھنے کا ایک کلپ منظر عام پر آیا، جو کہ ووڈانگ ماؤنٹین کی بلند ترین چوٹی ہے جو 1,612 میٹر ہے۔
انہوں نے یہ ناقابل یقین کام اپنی ٹانگوں سے نہیں بلکہ اپنے ہاتھوں کے بل چڑھ کر انجام دیا۔