فلم سے پہلے بہت زیادہ اشتہارات پر سیخ پا بھارتی شہری نے مقامی سرکاری ادارے میں شکایت درج کرائی جس پر اسے 230 سے زائد ڈالرز (75 ہزار پاکستانی روپے) بطور زرتلافی ادا کی گئی۔
بنگلور سے تعلق رکھنے والے ابھیشیک نام کے 31 سالہ شہری نے ڈسٹرکٹ کنزیومر ڈسپیوٹ ریڈرسل کمیشن میں مقدمہ دائر کیا جب وہ بنگلور کے پی وی آر ملٹی پلیکس میں فلم دیکھنے گیا تھا۔
تھیٹر کے مالک ادارے PVR INOX کے خلاف ابھیشیک کی شکایت میں کہا گیا ہے کہ فلم شام 6:30 بجے ختم ہونے والی تھی۔ لیکن شام 7 بجے ختم ہوئی۔
مدعی نے بتایا کہ اس کی وجہ یہ ہے کہ فلم سے پہلے دو عوامی خدمات کے اعلانات اور 17 اشتہارات دکھائے گئے۔
مدعی نے کہا کہ فلم کے تاخیر سے ختم ہونے کی وجہ سے وہ طے شدہ کام مکمل کرنے سے محروم ہو گیا۔
شہری نے مقدمے میں تھیٹر کے اس غیر منصفانہ تجارتی طریقے کیلئے زرتلافی ڈالر ہرجانے کا مطالبہ کیا جبکہ ذہنی اذیت کے لیے 57 ڈالرز اور قانونی اخراجات کے لیے 115 ڈالرز کا مطالبہ کیا۔
ڈسٹرکٹ کنزیومر ڈسپیوٹ ریڈریسل کمیشن نے اس مقدمے میں ابھیشیک کی حمایت کی اور انہیں اسے 230 ڈالر زرتلافی اور 92 ڈالرز قانونی اخراجات کی ادائیگی کا حکم دیا۔
