گوجرانوالہ میں کرنٹ لگنے سے 3 کم سن بہن بھائی جاں بحق

بچوں کی لاشوں کو قریبی اسپتال منتقل کردیا گیا ہے،فوٹو:فائل

---

کھیالی چوک کے قریب کرنٹ لگنے سے 3 کم سن بہن بھائی جاں بحق ہوگئے۔

ایکسپریس نیوز کےمطابق گوجرانوالہ کےعلاقے کھیالی چوک میں بجلی کا کھمبا گرنے کے باعث 3 کم سن بہن بھائی کرنٹ لگنے سے جاں بحق ہوگئے جن کی عمریں 6 سے 12 سال بتائی جاتی ہیں ۔ تینوں بہن بھائی خالہ کے گھر عید منانے آئے تھے کہ باہر کھیلتے ہوئے بجلی کا کھمبا ان پر گر گیا جس کے باعث تینوں کم سن کرنٹ لگنے سے موقع پر ہی جاں بحق ہوگئے، بچوں کی لاشوں کو قریبی اسپتال منتقل کردیا گیا ہے۔