قومی ٹیم کے سابق وکٹ کیپر بیٹر کامران اکمل نے پاکستان سپر لیگ (پی ایس ایل) میں محمد رضوان کی کپتانی پر انہیں آڑے ہاتھوں لے لیا۔
نجی ٹی وی چینل گفتگو کرتے ہوئے سابق وکٹ کیپر بیٹر کامران اکمل نے ملتان سلطانز کے کپتان محمد رضوان کی قائدانہ صلاحیتوں پر انہیں تنقید کا نشانہ بناتے ہوئے انہیں نااہل قرار دیا۔
کامران اکمل نے کہا کہ پشاور زلمی کے ہاتھوں ملتان سلطانز کی شکست پر محمد رضوان کو تنقید کا نشانہ بناتے ہوئے کہا کہ پاکستان کرکٹ بورڈ (پی سی بی) کو انکی کپتانی سے متعلق سوچنا ہوگا، وہ اس قابل نہیں کہ ٹیم کی قیادت کرسکیں۔
مزید پڑھیں: بھارتی جارحیت؛ کیا پی ایس ایل میچز کے شیڈول میں تبدیلی ہوئی ہے؟
انہوں نے کہا کہ پشاور زلمی کیخلاف رضوان نے جس طرح ٹیم کھلائی سمجھ سے باہر ہے، رواں سیزن ملتان سلطانز کیلئے کسی ڈراؤنے خواب سے کم نہیں۔
مزید پڑھیں: پہلگام واقعے کے بعد پاک بھارت کشیدگی پر رضوان بھی بول اُٹھے
واضح رہے کہ پی ایس ایل کے 10ویں ایڈیشن میں ملتان سلطانز کی ٹیم 9 میچز میں محض ایک فتح سمیٹ سکی ہے جبکہ انہیں 8 شکستوں کا منہ دیکھنا پڑا ہے۔
