امریکا میں ایک جوڑے نے اپنی شادی کی سالگرہ کے موقع پر 20 لاکھ ڈالر کی لاٹری جیت لی۔
امریکی ریاست مشیگن کی اوکلینڈ کاؤنٹی سے تعلق رکھنے والی 44 سالہ خاتون نے مشیگن لاٹری آفیشلز کو بتایا کہ اس خوش قسمت دن کا آغاز ڈائمنڈ اینڈ گولڈ اسکریچ آف ٹکٹ کی خریداری سے ہوا۔
خاتون کا کہنا تھا کہ وہ اور ان کے خاوند مختلف اسکریچ آف ٹکٹ بالخصوص ڈائمنڈ اینڈ گولڈ گیم کھیلنا پسند کرتے ہیں۔ انہوں نے اپنی شادی کی سالگرہ کے دن ایک ساتھ ٹکٹ اسکریچ کیا اور ان کے خاوند نے 20 لاکھ ڈالر کے پہلے انعام کی نشان دہی کی۔ ان کا خیال تھا کہ کچھ گڑبڑ، لہٰذا وہ دونوں ٹکٹ کو اسٹور پر اسکین کرانے لے گئے۔
خاتون نے بتایا کہ جوڑے نے ایک دوست سے اپنی لاٹری ایپ پر ٹکٹ اسکین کرنے کے لیے کہا۔ اس دوران وہ کپکپا رہیں تھیں اور جب اسکرین پر 20 لاکھ کا انعام ظاہر ہوا تو مکمل سکتے میں تھیں۔ یہ شادی کی سالگرہ پر ملنے والا بہترین سرپرائز تھا۔
