بھارت میں قومی تائیکوانڈو کھلاڑی خاتون کو اجتمائی جنسی زیادتی کا نشانہ بنا دیا گیا۔
بھارتی میڈیا کی رپورٹس کے مطابق یہ واقعہ ریاست اترپردیش کے شہر کانپور میں پولیس اسٹیشن کے سامنے قائم آشرم میں پیش آیا۔
میڈیا رپورٹس کے مطابق خاتون پرانے کپڑے بیچنے کا کاروبار کرنا چاہتی تھی اور وہ اس سلسلے میں جگہ تلاش کر رہی تھی۔
رپورٹ کے مطابق اسی دوران خاتون نے ایک شخص سے رابطہ کیا جو اسے کچھ لوگوں سے ملوانے آشرم لے گیا۔
متاثرہ خاتون نے دعویٰ کیا کہ آشرم میں اسے ایک لڈو کھیلایا گیا جسے کھانے کے بعد وہ بیہوش ہوگئی، اس کے بعد آشرم کے پجاری سمیت کئی دوسرے لوگوں نے اس کے ساتھ اجتماعی زیادتی کی۔
پولیس حکام نے کہا کہ خاتون کا گینگ ریپ اس سال کے شروع میں کیا گیا تھا، خاتون نے ان لوگوں کے خوف کی وجہ سے 4 ماہ بعد مقدمہ درج کرایا۔
پولیس حکام کے مطابق خاتون نے مندر کے پجاری سمیت 4 افراد کو ریپ کے مقدمے میں نامزد کیا، ریپ کا شکار خاتون نے بطور ثبوت اپنے ساتھ پیش آئے واقعے کی ویڈیو بھی پولیس کو پیش کی۔
