سابق بھارتی کپتان روی شاستری نے اسٹار بھارتی کرکٹر ویرات کوہلی کی ٹیسٹ ریٹائرمنٹ پر تبصرہ کرتے ہوئے اپنے ہی بورڈ کو تنقید کا نشانہ بناڈالا۔
میڈیا رپورٹس کے مطابق سابق کرکٹر و کمنٹیٹر روی شاستری نے بھارتی کرکٹ بورڈ (بی سی سی آئی) کی جانب سے اسٹار بیٹر ویرات کوہلی کو الواعی ٹیسٹ میچ نہ دینے پر مایوسی کا اظہار کیا۔
انہوں نے کہا کہ ویرات کوہلی کے اسطرح انٹرنیشنل ٹیسٹ کرکٹ کیرئیر چھوڑنے پر دکھ ہوا، جب آپ جاتے ہیں، تب لوگوں کو احساس ہوتا ہے کہ آپ کتنے بڑے کھلاڑی تھے، میرے خیال میں اس معاملے کو بہتر طریقے سے ہینڈل کیا جاسکتا تھا۔
مزید پڑھیں: کوہلی 10 سال قبل دورہ آسٹریلیا پر کِس گرل فرینڈ کو لیکر گئے تھے؟
روی شاستری نے کہا کہ اگر میں مینجمنٹ کا حصہ ہوتا تو وہ اس سال کے شروع میں آسٹریلیا کے خلاف بھارت کی 1-3 سے ٹیسٹ سیریز میں شکست کے بعد کوہلی کو دوبارہ کپتان بنادیتا۔
مزید پڑھیں: "میری ناکامی پر لوگوں نے آٹو رکشہ ڈرائیور کا بیٹا کہہ کر پُکارا"
روہت شرما اور ویرات کوہلی کی اچانک ریٹائرمنٹ کے اعلان کے بعد بھارتی بورڈ (بی سی سی آئی) نے شبمن گل کو کپتان نامزد کیا، جو دورہ انگلینڈ میں بھارتی ٹیم کی قیادت کے فرائض سرانجام دیں گے۔
مزید پڑھیں: کرکٹر سے ممبر پارلیمنٹ کی منگنی ہوگئی، ویڈیو وائرل
واضح رہے کہ ویرات کوہلی نے گزشتہ ماہ ٹیسٹ کرکٹ سے ریٹائرمنٹ کا اعلان کیا تھا، انہوں نے 123 میچزمیں 46.85 کی اوسط سے 9,230 رنز کے ساتھ کیرئیر کا اختتام کیا، جس میں 30 سنچریاں بھی شامل تھیں۔
