اسلام آباد کی مقامی عدالت نے 27 یوٹیوب چینلز بلاک کرنے کا حکم دے دیا۔
رپورٹ کے مطابق اسلام آباد کی مقامی عدالت نے نیشنل سائبر کرائم انویسٹی گیشن ایجنسی کی درخواست پر یوٹیوب چینلز بلاک کرنے کا حکم دیا۔
جوڈیشل مجسٹریٹ عباس شاہ نے یوٹیوب چینل بلاک کرنے کی درخواست پر سماعت کی اور 2 صفحات کا تحریری حکم نامہ جاری کر دیا۔
عدالت نے 27 یوٹیوب چینل بلاک کرنے کا حکم دیا اور اپنے حکم نامے میں کہا کہ ریاست مخالف مواد کے حوالے سے سائبر کرائم ایجنسی نے 2 جون کو انکوائری شروع کی۔
عدالت نے کہا کہ سائبر کرائم ایجنسی کی جانب سے شواہد سے عدالت مطمئن ہے قانون کے مطابق کارروائی کر سکتے ہیں۔
حکم نامے میں عدالت نے کہا کہ یوٹیوب کے آفیسر انچارج کو حکم دیا جاتا کہ ہے 27 یوٹیوب چینل بلاک کرے۔
