روس کے نائب وزیراعظم الیکسی اوورچک نے پاکستان اورروس کو فطری اتحادی قراردیا ہے۔
انہوں نے ان خیالات کا اظہار امورخارجہ سے متعلق وزیراعظم کے معاون خصوصی طارق فاطمی اورمعاون خصوصی برائے صنعت وپیداوار ہارون اختر خان کے زیرصدارت اعلیٰ اختیاراتی وفد سے ماسکو میں ملاقات کے دوران کیا۔
الیکسی اوورچک نے زور دیا کہ صدرولادی میرپوتن تمام اہم شعبوں میں پاکستان کے ساتھ تعاون کو مزید فرو غ دینے کے خواہشمند ہیں۔
طارق فاطمی نے اپنے کلمات میں زور دیا کہ قیادت کی سطح پر خیر سگالی دونوں ملکوں کے درمیان دوطرفہ تعلقات میں مثبت پیشرفت کو یقینی بنا رہی ہے۔
طارق فاطمی نے کہا کہ روس کے ساتھ مضبوط تعلقات پاکستان کی خارجہ پالیسی کی ترجیحات میں شامل ہے۔
ہارون اختر نے کہا کہ پاکستان کراچی میں نئی سٹیل ملز کے بارے میں جاری مذاکرات کو بہت اہمیت دیتا ہے۔
دونوں فریقوں نے پاکستان اور روس کے درمیان دوطرفہ تعاون سمیت تمام کثیر جہتی فورموں پر علاقائی اور بین الاقوامی مسائل پر تبادلہ خیال کیا۔
