اسلام آباد:
فیڈرل بورڈ آف ریونیو (ایف بی آر) نے کنٹریکٹ پر 1560 کسٹمز سپاہی بھرتی کرنے کیلئے درخواستیں دینے کی تاریخ میں توسیع کردی۔
اس حوالے سے ایف بی آر کی جانب سے سرکلر جاری کردیا گیا ہے جس میں بتایا گیا ہے کہ کنٹریکٹ پر بھرتی کے خواہش مند امیدوار اب 31 جولائی تک نیشنل جاب پورٹل کے ذریعے درخواستیں جمع کرواسکیں گے۔
ایف بی آر کے مطابق پہلے درخواستیں جمع کروانے کی تاریخ 15 جولائی مقرر کی گئی تھی حکام کا کہنا ہے کہ تاریخ میں توسیع حالیہ بارشوں اور سیلاب کی وجہ سے کی گئی ہے۔
