FLORIDA:
پ
پاکستان اور ویسٹ انڈیز کے درمیان امریکا میں ہونے والی ٹی 20 سیریز کے پہلے معرکے میں ویسٹ انڈیز نے پاکستان کے 178 رنز کے جواب میں 12 اوورز 3 وکٹوں کے نقصان پر 75 رنز بنا لیے ہیں۔
جانسن چارلس 35 اور جیول اینڈریو بھی 35 رنز بنا کر آؤٹ ہوئے۔
ویسٹ انڈیز کے کپتان شائے ہوپ نے ٹاس جیت کر پاکستان کو پہلے بیٹنگ کی دعوت دی۔
فلوریڈا کے شہر لاؤڈرہل میں ہونے والے اس میچ میں گرین شرٹس نے مقررہ 20 اوورز میں 6 وکٹوں کے نقصان پر 178 رنز بنائے۔
صاحبزادہ فرحان 14 رنز بنا سکے، صائم ایوب 38 گیندوں پر 57 رنز بنا کر آؤٹ ہوئے۔
فخر زمان 28 رنز بنا کر پویلین واپس لوٹ گئے، حسن نواز 24، محمد نواز9، فہیم اشرف 16 رنز بنا سکے۔
کپتان سلمان آغا 11 اور محمد حارث 6 رنز بنا کر ناٹ آؤٹ رہے۔
ویسٹ انڈیز کی جانب سے شمر جوزف نے 3 وکٹیں حاصل کیں، جبکہ جیسن ہولڈر، عقیل حسین اور روماریو شیفرڈ نے ایک ایک کھلاڑی کو آؤٹ کیا۔
اسکواڈ:
پاکستان: صاحبزادہ فرحان، صائم ایوب، فخر زمان، حسن نواز، محمد نواز، محمد حارث، سلمان آغا (کپتان)، فہیم اشرف، شاہین شاہ آفریدی، حارث رؤف، سفیان مقیم
ویسٹ انڈیز: جانسن چارلس، جیول اینڈریو، روسٹن چیس، شائے ہوپ (کپتان)، شیرفین ردرفورڈ، جیسن ہولڈر، روماریو شیفرڈ، گڈاکیش موتی، عقیل حسین، شمر جوزف، جیڈیا بلیڈز
ماضی میں دونوں ٹیموں کا 21 ٹی ٹوئنٹی میچز میں ٹکراؤ ہوا جن میں پاکستان نے 15 میں جبکہ ویسٹ انڈیز نے 3 میں کامیابی حاصل کی جبکہ 3 میچز بغیر نتیجہ ختم ہوئے۔
