لاہور:
ہائی کورٹ نے سابق رکن صوبائی اسمبلی احمد خان بھچر کی نااہلی کے خلاف درخواست کافیصلہ سنا دیا۔
ایکسپریس نیوز کے مطابق عدالت نے درخواست ناقابل سماعت قرار دیتے ہوئے مسترد کر دی۔ جسٹس خالد اسحاق نے 10 صفات پر مشتمل فیصلہ سنایا، جس میں عدالت نے کہا کہ درخواست گزار سزا یافتہ اور اشتہاری ہے۔
عدالتی فصلے کے مطابق جب تک درخواست گزار گرفتاری نہیں دیتا، درخواست کی پذیرائی نہیں کی جاسکتی۔ درخواست گزار پہلے عدالت کےسامنےسرنڈر کرے۔
