سابق وزیر اعظم نواز شریف کے نواسے اور وزیراعلی پنجاب مریم نواز کے بیٹے جنید صفدر کے صاحبزادے جنید صفدر رشتہ ازدواج میں منسلک ہوگئے جب کہ تقریب کی تصاویر اور وڈیوز سوشل میڈیا پر وائرل ہوگئیں۔
لاہور میں جنید صفدر کی شادی کی تقریبات جاری ہیں جب کہ آج جنید صفدر نے سہرا سجا، ان بارات لاہور کی نجی ہاؤسنگ سوسائٹی پہنچی، بارات مسلم لیگ (ن) کے قائد میاں نواز شریف اور وزیراعظم شہباز شریف کی قیادت میں جاتی امرا سے روانہ ہوئی۔
بارات میں نواز شریف وزیراعظم شہباز شریف دلہے کی والدہ وزیراعلی مریم نواز اور اہل خانہ سمیت وفاقی و صوبائی وزراء ملکی و غیر ملکی مہمان شامل تھے۔
دلہے کی گاڑی کو گلاب کے پھولوں سے سجایا گیا جب کہ تقریب میں مشہور سیاسی شخصیات بھی شریک تھیں۔
وزیراعلی پنجاب مریم نوازشریف کے بیٹے جنید صفدر اور شانزے علی رشتہ ازدواج میں منسلک ہو گئے، شیخ عبدالقادر جیلانی کے مزار کے سجادہ نشین نے جنید صفدر کا نکاح پڑھایا۔
شانزے علی سے مفتی راغب حسین نعیمی نےاجازت لی، حق مہر کی رقم صرف 1 لاکھ 25 ہزار روپے رکھی گئی۔
facebook.com/reel/4253877911596068/?s=single_unit
جنید صفدر کی ہونے والی اہلیہ شانزے شیخ معروف سیاسی شخصیت شیخ روحیل اصغر کی پوتی ہیں، جنید صفدر کے ولیمہ کی تقریب کل 18 جنوری 2026 کو جاتی امرا میں ہو گی۔
ذرائع نے کہا کہ ولیمے کی تقریب میں 800 مہمانوں کو مدعو کیا گیا، مہندی کی تقریب گزشتہ شب جاتی امرا میں ہوئی جس میں دولہا دلہن سمیت دونوں طرف کے عزیز اقرباء شامل ہوئے۔
شادی کی تین روزہ تقریبات کے لئے سیکیورٹی کے سخت انتظامات کئے گئے ہیں۔
