بانی پی ٹی آئی کی اہلیہ اور سابق خاتون اول بشریٰ بی بی کی آنکھ کی صورتحال کو ڈاکٹرز نے تسلی بخش قرار دے دیا۔
ایکسپریس کے مطابق میڈیکل ٹیم نے اڈیالہ جیل پہنچ کر بشری بی بی کی آنکھ کا معائنہ کیا اور صورتحال کو تسلی بخش قرار دیا جبکہ ڈاکٹرز نے سابق خاتون اول کو احتیاطی تدابیر جاری رکھنے کی ہدایت کی۔
میڈیکل ٹیم میں الشفا آئی ٹرسٹ کے ماہر امراض چشم ڈاکٹر ندیم قریشی پمز کے ڈاکٹر عارف شامل تھے جبکہ ڈاکٹروں کو اڈیالہ جیل اسپتال کے طبی عملے کی بھی معاونت حاصل تھی۔
ٹیم معائنہ کرنے کے بعد اڈیالہ جیل سے واپس روانہ ہوگئی۔ واضح رہے کہ بشری بی بی کا 17 اپریل کودائیں آنکھ میں ریٹینل ڈیٹیچمنٹ کی تشخیص ہوئی جس کے بعد الشفا آئی ٹرسٹ اسپتال میں اُن کا آپریشن ہوا تھا۔
