بلوچستان کے ضلع چاغی کے علاقے دالبندین میں مکان پر دستی بم حملے میں پانچ افراد زخمی ہوگئے۔
پولیس کے مطابق دالبندین کی کلی باز محمد میں نامعلوم افراد نے ایک مکان پر دستی بم پھینکا جو مکان کے صحن میں گر کر زوردار دھماکے سے پھٹ گیا۔
دستی بم پھٹنے سے پانچ افراد مزمل،مشتاق،اسماعیل،خان محمد اور اعجاز احمد زخمی ہوگئے، جنہیں فوری طور پر دالبندین ہسپتال منتقل کر دیا گیا۔
ڈاکٹروں کے مطابق دھماکے سے متاثرہ افراد معمولی زخمی ہیں، جن میں 2 کا تعلق ملتان، 2 کا سیالکوٹ اور ایک کا نارووال سے جو دالبندین میں تعمیرانی کمپنی میں کام کررہے تھے۔
