پاکستان کا سبز ہلالی پرچم ایک قوم کی ایک پہچان ہے ، جہاں ننھے پاکستانی بھی وطن سے عہد وفا کی تجدید کررہے ہیں۔
جشن آزادی کی آمد کے موقع پر ملک بھر میں بچوں کا جوش وخروش دیدنی ہے، جو وطن سے والہانہ محبت کا بھرپوراظہارکررہے ہیں۔
جشن آزادی کے حوالے سے بچوں نے اپنے خصوصی آگہی پیغام میں کہا ہے کہ سبزہلالی پرچم ہم سب پررنگ، نسل، لباس اورعلاقے کی تفریق کیے بغیر یکساں سایہ کرتا ہے ۔
ننھے بچوں نے اس موقع پر پیغام دیا ہے کہ ہمارے رنگ توالگ الگ ہیں لیکن ہمارا پرچم ایک ہے۔ ہمارے لہجے مختلف ہیں لیکن ہماری دھڑکن ایک ہے۔ یہ پاک زمین ایک تسبیح ہے اور ہم سب اس کے دانے ہیں۔
ارض وطن کے بچوں کا ہر ننھا خواب مضبوط، خوشحال پاکستان کی امید جگاتا ہے، کیونکہ آج کے بچے ہی کل کے روشن مستقبل کی بنیاد ہیں۔ یہ معصوم آوازیں ایسے پاکستان کا عہد ہیں، جہاں وطن سے لازوال محبت، دیانت اور ذمہ داری ہرشہری کی پہچان بنے۔
