پاکستان کرکٹ ٹیم کے سابق کپتان راشد لطیف نے انگلینڈ میں جاری بحران کے دوران بابر اعظم کی قیادت پر شدید تنقید کی ہے۔
ڈاکٹر نعمان نیاز کے ساتھ ’پویلین پوسٹ‘ میں گفتگو کرتے ہوئے راشد لطیف نے کہا کہ موجودہ صورتحال کے بعد بابر اعظم کو کپتانی سے استعفیٰ دے دینا چاہیے تھا۔
راشد لطیف نے کہا کہ بابر کی ٹیم کے نصف کھلاڑیوں کو فارغ کر دیا گیا لیکن انہوں نے ایک لفظ بھی نہیں کہا۔
انہوں نے مزید کہا کہ کپتان اور حقیقی لیڈر میں یہی فرق ہوتا ہے کہ لیڈر مشکل وقت میں اپنی ٹیم کے لیے آواز اٹھاتا ہے۔
انہوں نے بابر اعظم کے طرزِ قیادت کو شرمناک قرار دیتے ہوئے انہیں محض نمائشی کپتان قرار دیا اور کہا کہ ایسی صورتحال میں جیت کے بجائے شکست قبول کرنا بہتر ہے۔
