کراچی:
کوٹری ریلوے اسٹیشن کے قریب پھاٹک کے مقام پر کوئلے سے بھری مال گاڑی حادثے کا شکار ہوگئی، جس کے نتیجے میں ٹرین کی تین بوگیاں پٹری سے اتر گئیں۔
ریلوے ذرائع کے مطابق مال گاڑی کراچی سے کوئلہ لے کر کول پروجیکٹ یوسف والا جا رہی تھی کہ کوٹری ریلوے اسٹیشن کے قریب حادثہ پیش آگیا۔ حادثے کے باعث ریلوے ٹریک کا کئی فٹ حصہ شدید متاثر اور تباہ ہوگیا۔
حادثے کے بعد اپ ٹریک کو مکمل طور پر بند کردیا گیا جبکہ ٹرینوں کی آمدورفت ڈاؤن ٹریک سے جاری ہے۔ ریلوے انتظامیہ کے مطابق متاثرہ ٹریک کی مرمت کا کام جاری ہے اور بحالی میں کئی گھنٹے لگ سکتے ہیں۔
واضح رہے کہ دو روز قبل بھی اسی مقام پر یہی مال گاڑی حادثے کا شکار ہوئی تھی۔
