اپر دیر:
دیر بالا کے علاقے براول سندرول کے مقام پر فیلڈر گاڑی کھائی میں جاگری جس کے نتیجے میں 3 افراد جاں بحق ہوگئے۔
ریسکیو 1122 حکام کے مطابق فیلڈر گاڑی بے قابو ہو کر گہری کھائی میں جاگری، گاڑی میں سوار تین افراد جاں بحق اور ایک بچہ زخمی ہوگیا۔
اطلاع ملنے پر ریسکیو 1122 کی ٹیم فوری طور پر جائے حادثہ پر پہنچی، جاں بحق افراد کی میتوں کو براول اسپتال منتقل کر دیا گیا۔ زخمی بچے کو بھی طبی امداد کے لیے دیر بالا اسپتال منتقل کیا گیا۔
