پنجاب کے شہر مظفرگڑھ میں تھل جیپ ریلی حادثے کے معاملے پر سابق چیمپئن فیصل شادی خیل کی گاڑی کو ٹکر مارنے والے ڈرائیور کے خلاف مقدمہ درج کرلیا گیا۔
لینڈ کروزر ڈرائیور خدا بخش کے خلاف دفعہ 188، 279 اور 427 کے تحت مقدمہ درج کیا گیا ہے، مقدمے کے مطابق ٹریک پر دفعہ 144 نافذ تھی۔
ملزم نے ٹریک پر گاڑی چلا کر حادثہ کیا، جس کے نتیجے میں فیصل شادی خیل کی گاڑی نمبر 112 الٹ گئی، تاہم وہ معجزانہ طور پر محفوظ رہے۔
مقدمہ چوبارہ پولیس کے سب انسپکٹر قمر زمان کی مدعیت میں درج کیا گیا۔
