لتھوانیا: برطانوی سیاح نے چرچ سے مقدس مجسمے کو چوری کر کے توڑ ڈالا

چرچ کے پادری نے واقعے پر افسوس کا اظہار کرتے ہوئے شہریوں سے ملزمان کی شناخت میں مدد کی اپیل کی۔


ویب ڈیسک November 16, 2026

یورپی ملک لتھوانیا کے دارالحکومت ولنیئس میں مبینہ برطانوی سیاحوں کی جانب سے جیسس کرائسٹ کا سنہری مجسمہ چوری کر کے توڑنے کا واقعہ پیش آیا ہے۔

غیر ملکی میڈیا کے مطابق واقعہ ولنیئس کے قدیم علاقے میں واقع 15ویں صدی کے شرائن آف ڈیوائن مرسی چرچ میں پیش آیا جہاں دو افراد نے چرچ کے صحن میں نصب صلیب سے مجسمہ اتار لیا۔

سی سی ٹی وی فوٹیج میں دونوں افراد کو ہنستے ہوئے دیکھا جا سکتا ہے، جبکہ ایک شخص مجسمہ اٹھائے لڑکھڑا رہا تھا اور دوسرا موبائل فون سے ویڈیو بنا رہا تھا۔

 
 
 
 
 
 
 
 
 
 
 
 
 
 
 

اسی دوران مجسمے کے بازو ٹوٹ گئے اور کچھ ہی دیر بعد وہ زمین پر گر کر ٹکڑے ٹکڑے ہو گیا جس کے بعد دونوں افراد موقع سے فرار ہو گئے۔

چرچ کے پادری نے واقعے پر افسوس کا اظہار کرتے ہوئے شہریوں سے ملزمان کی شناخت میں مدد کی اپیل کی۔

مقامی پولیس کے مطابق واقعے کی تحقیقات شروع کر دی گئی ہے جبکہ مجسمے کو پہنچنے والے نقصان کا تخمینہ لگایا جا رہا ہے۔