معروف اداکارہ عائشہ نور نے اسلام کی خاطر شوبز انڈسٹری چھوڑ دی

اب وہ اپنی ٹریول ایجنسی چلا رہی ہیں اور دیگر افراد کو روزگار بھی فراہم کر رہی ہیں۔


ویب ڈیسک November 17, 2026

پاکستانی ڈرامہ انڈسٹری کی معروف اداکارہ عائشہ نور نے شوبز سے کنارہ کشی اختیار کر کے مذہبی تعلیمات کے مطابق زندگی گزارنے کے فیصلے کی وجہ بتا دی۔

ڈراموں ’سیانی‘، ’میری ماں‘، ’تم کون پیا‘ اور ’امید‘ سے شہرت حاصل کرنے والی اداکارہ نے حالیہ گفتگو میں اپنے روحانی سفر سے متعلق انکشافات کیے۔

عائشہ نور نے بتایا کہ ان کے گھرانے میں پہلے ہی مذہبی رجحان موجود تھا، تاہم چھوٹی بہن کے قرآن سیکھنے کے بعد انہوں نے بھی ترجمے کے ساتھ قرآن پڑھنا شروع کیا۔ قرآن پڑھتے ہوئے انہیں محسوس ہوا جیسے اللہ تعالیٰ براہِ راست ان سے مخاطب ہیں۔

Actress Esha Noor Leaves Showbiz For Islam

انہوں نے بتایا کہ زندگی کے مشکل دور میں انہیں احساس ہوا کہ وہ شوبز میں رہتے ہوئے اپنی مطلوبہ مذہبی زندگی نہیں گزار سکتیں سو انہوں نے اللہ تعالیٰ سے آسانی کی دعا کی جس کے بعد ان کے لیے نئے راستے کھل گئے۔

اب وہ اپنی ٹریول ایجنسی چلا رہی ہیں اور دیگر افراد کو روزگار بھی فراہم کر رہی ہیں۔