لاہور: طلاق کی رنجش پر خاتون کے قتل کا الزام، نامزد ملزم گرفتار

 مقتولہ ملزم کے گھر اپنی بیٹی کے جہیز کا سامان لینے گئی تھیں جہاں انہیں تشدد کا نشانہ بنایا گیا


سید مشرف شاہ November 17, 2026
فوٹو: فائل

لاہور:

لاہور میں طلاق کی رنجش پر خاتون کو قتل کرنے کے الزام میں چوہنگ پولیس نے نامزد ملزم شبیر کو گرفتار کرلیا۔

پولیس کے مطابق مقتولہ اپنی بیٹی اور ملزم کی سابقہ اہلیہ کے ہمراہ جہیز کا سامان لینے گئی تھیں جہاں ملزم نے مبینہ طور پر دوپٹے سے گلا گھونٹ کر انہیں قتل کرنے کی کوشش کی۔

خاتون کو تشویشناک حالت میں اسپتال منتقل کیا گیا جہاں وہ پانچ روز زیر علاج رہنے کے بعد دم توڑ گئیں۔

چوہنگ پولیس نے قتل کی دفعات کے تحت مقدمہ درج کرکے ملزم کو گرفتار کرلیا جسے مزید تفتیش کے لیے انویسٹی گیشن ونگ کے حوالے کردیا گیا ہے۔

ڈی آئی جی آپریشنز فیصل کامران کا کہنا ہے کہ خواتین کے خلاف تشدد اور جرائم پر کوئی سمجھوتہ نہیں کیا جائے گا، سنگین جرائم میں ملوث عناصر کو قانون کے کٹہرے میں لایا جائے گا۔