بھارتی ہیکرز نے لاہور ہائی کورٹ کی ویب سائٹ ہیک کرلی

ویب سائٹ کو پیپلزپارٹی کے چیرمین بلاول بھٹوزرداری کے کشمیر سے متعلق بیان پر ہیک کیا گیا،بھارتی ہیکرز، فوٹو: فائل

---

بھارتی ہیکرز کی جانب سے لاہور ہائی کورٹ کی ویب سائٹ ہیک کرلی گئی ہے۔

ایکسپریس نیوز کےمطابق بھارتی ہیکرز نے لاہور ہائی کورٹ کی ویب سائٹ کو ہیک کرلیا ہے جس کے بعد ویب سائٹ پر بھارتی پرچم بھی لگادیا گیا ہے جبکہ ہیکرز نے اپنے پیغام میں کہا ہےکہ ویب سائٹ کو پیپلزپارٹی کے چیرمین بلاول بھٹوزرداری کے کشمیر سے متعلق بیان پر ہیک کیا گیا اور اگر اس طرح کے بیانات کا سلسلہ بند نہ ہوا تو مزید اہم ویب سائٹس کو ہیک کیا جائے گا۔

واضح رہے کہ اس سے قبل بھارتی ہیکرز نے پیپلزپارٹی کی ویب سائٹ کو ہیک کیا تھا اور اس میں بھی ہیکرز نے کشمیر سے متعلق بلاول بھٹو زرداری کے بیان کو اپنے اس اقدام کی وجہ بتایا تھا۔