- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
- پی ٹی آئی کی لیاقت باغ میں جلسہ کی درخواست مسترد
- پشاور میں صحت کارڈ پر دوائیں نہ ملنے کا معاملہ؛ 15 ڈاکٹرز معطل
- پہلا ٹی20؛ عماد کو پلئینگ الیون میں کیوں شامل نہیں کیا؟ سابق کرکٹرز کی تنقید
- 9 مئی کیسز؛ فواد چوہدری کی 14 مقدمات میں عبوری ضمانت منظور
- بیوی کو آگ لگا کر قتل کرنے والا اشتہاری ملزم بہن اور بہنوئی سمیت گرفتار
- پی ٹی آئی حکومت نے دہشتگردوں کو واپس ملک میں آباد کیا، وفاقی وزیر قانون
- وزیر داخلہ کا کچے کے علاقے میں مشترکہ آپریشن کرنے کا فیصلہ
فرانس میں 48 گھنٹے تک جاری پولیس آپریشن میں 3 حملہ آوروں سمیت7 افراد ہلاک
پیرس: فرانس میں 2 روز قبل ہفت روزہ اخبار پر دھاوا بولنے والے حملہ آوروں اور پولیس کے درمیان تیسرے روز بھی دارالحکومت پیرس میں جنگ کی سی کیفیت برقرار رہی اور کئی گھنٹوں تک گھیراو کرنے کے بعد پولیس نے 3 مسلح افراد کو ہلاک کرکے کچھ یرغمالیوں کو رہا کرا لیا ہے جبکہ اس دوران مسلح افراد نے یرغمالیوں میں سے 4 افراد کو ہلاک کردیا۔
فرانسیسی پولیس کے مطابق حملہ آوروں نے پیرس کے شمال میں انڈسٹریل ٹاؤن دامارٹن این گولے کی عمارت میں داخل ہوکر ایک شخص کو جبکہ پیرس کے مشرقی حصے میں بھی ایک ٹاؤن میں دہشت گردوں نے سپر مارکیٹ کے ایک اسٹور میں گھس کر 5 سے زائد افراد کو یرغمال بنا لیا تھا ، پولیس کی بھاری نفری نے دونوں عمارتوں کو گھیرے میں لے کر آپریشن شروع کردیا اور 48 گھنٹوں کی کارروائی کے بعد تینوں مسلح افراد کو ہلاک کردیا گیا ہے تاہم دہشت گردوں نے مرنے سے قبل فائرنگ کر کے یرغمالیوں میں سے 4 کو ہلاک کردیا جبکہ باقی یرغمال بنا ئے گئے افراد کو رہا کرا لیا گیا ہے۔ پولیس کا کہنا تھا کہ تمام دہشت گردوں کو ہلاک کردیا گیا ہے جبکہ اس کارروائی کے دوران ایک پولیس افسر سمیت 4 افراد شدید زخمی بھی ہوئے ہیں۔
پولیس کاکہنا ہے کہ مسلح افراد کے پاس بھاری ہتھیار موجود تھے اور انہوں 5 افراد کر یرغمال بنالیا تھا جبکہ یہ وہی حملہ آورتھے جنہوں نے چارلی ایبڈو پر حملہ کیا تھا۔ پولیس حکام نے حملے میں ملوث 2 دہشت گردوں کی تصاویر جاری کرتے ہوئے خبردار کیا تھا کہ عوام 32 سالہ کاولی بیلے اور خاتون دہشت گرد 26 سالہ حیات بامیڈینی سے ہوشیار رہیں۔
اس سے قبل پیرس کے مشرقی علاقے میں پولیس اخبار کے دفتر پر حملہ کرنے والے ملزمان کی گرفتاری کے لئے آپریشن کر رہی تھی کہ حملہ آوروں نے ایک گاڑی سے فائرنگ کر دی جس کے نتیجے میں ایک شخص ہلاک اور دوسرا زخمی ہو گیا جب کہ حملہ آوروں نے ایک شخص کو یرغمال بھی بنا لیا۔ پولیس کی جانب سے مبینہ حملہ آوروں کی گاڑی کا پیچھا کیا جا رہا ہے جب کہ سرچ آپریشن کے دوران علاقے کی ہیلی کاپٹرز سے فضائی نگرانی بھی کی جا رہی ہے۔
واضح رہے کہ گزشتہ روز بھی فرانس میں شرپسندوں نے 2 مساجد پر دستی بموں سے حملہ کیا جب کہ فائرنگ سے ایک خاتون پولیس اہلکار ہلاک اور ایک شخص زخمی ہوا تھا اور اس سے ایک روز قبل پیرس میں ہفت روزہ اخبار کے دفتر پر فائرنگ سے ایک صحافی اور گستاخانہ خاکے بنانے والے کارٹونسٹ سمیت 12 افراد ہلاک ہو گئے تھے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔