تعلیمی اعلانات

جامعہ کراچی کے تحت بی اے،بی ایس سی اور بی کام ریگولر (کالجوں کے طلبا) کے لیے امتحانی فارم جمع کرانے کی تاریخ 15 تا20 اکتوبر ہے۔فوٹو: فائل

---

جامعہ کراچی کے تحت بی اے،بی ایس سی اور بی کام ریگولر (کالجوں کے طلبا) کے لیے امتحانی فارم جمع کرانے کی تاریخ 15 تا20 اکتوبر ہے۔

بی اے سال اول، دوم کے فارم بغیر لیٹ فیس کے 1570 روپے کے ساتھ اور بی اے سال اول ودوم (کمبائنڈ) کے فارم 2840 روپے فیس کے ساتھ جبکہ بی ایس سی اور بی کام سال اول ،دوئم 2070 روپے کے ساتھ اور بی ایس سی ،بی کام کے سال اول ودوم (کمبائنڈ) کے فارم 3560 روپے فیس کے ساتھ جمع کرائے جاسکتے ہیں واضح رہے کہ 2006 یا اس سے قبل کی انرولمنٹ کے حامل طلبا کو فیس کے علاوہ 2500 روپے اضافی چارجز جمع کرانے ہونگے، فارم کے حصول اور جمع کرانے کیلیے طلبا اپنے متعلقہ کالجوں سے رابطہ کرسکتے ہیں۔

جامعہ کراچی کے شعبہ امتحانات نے ایم اے سال آخر(پرائیویٹ)عربی ،تاریخ عمومی،تاریخ اسلام،ریاضی،فلسفہ، سندھی اور اُردو کے امتحانی نتائج کا اعلان کردیا ہے٭وفاقی اردویونیورسٹی کے ناظم امتحانات پروفیسر ڈاکٹروقار الحق نے اعلان کیا ہے کہ ایم بی اے سمسٹر اول و دوم(ایک سالہ) اور ایم بی اے سیسٹر دوم و سوم خصوصی امتحانات(شام) کے امتحانی فارم 11 تا 14 اکتوبر تک الائیڈ بینک لمیٹڈ بیت المکرم برانچ گلشن اقبال کراچی سے دستیاب ہوں گے، ایم بی اے کی فی سمسٹر امتحانی فیس600روپے مقرر کی گئی ہے ،شعبہ بزنس ایڈمنسٹریشن (گلشن اقبال کیمپس) سے فیس وائوچر حاصل کرکے اسی شعبہ میں جمع کرائیں۔

فارم مکمل کرکے متعلقہ شعبہ سے چیک کروائیں اور فیس بینک میں جمع کرائیں، امتحانی فارم کے ساتھ انٹرولمنٹ کارڈ اور مارکس شیٹ کی فوٹو کاپی منسلک کریں بغیر انٹرولمنٹ کارڈ کے ایڈمٹ کارڈ جاری نہیں کیا جائے گا،دریں اثنا ایک علیحدہ اعلامیے کے مطابق اردویونیورسٹی ایل ایل ایم سالِ آخر طلبا و طالبات 2نومبر تک اپنے مقالہ جات کی تکمیل کرکے دفتر صدرِ شعبہ قانون میں جمع کروادیں تاکہ زبانی امتحان (Viva-Voce) میں ان کی شرکت کو یقینی بنایا جاسکے۔