سوناکشی اورابھیشیک کے ساتھ شوٹنگ نے رشی کپور کو ماضی کی یاد دلادی

اداکاررشی کپور نے اداکارہ سوناکشی سنہا اورابھیشیک بچن کے ہمراہ ڈائریکٹراومیش شکلا کی فلم ’’آل از ویل‘‘ کی عکس بندی میں حصہ لیا، فوٹو:فائل

---

بھارتی فلم انڈسٹری کے لیجنڈری اداکاررشی کپور نے اداکارہ سوناکشی سنہا اورابھیشیک بچن کے ہمراہ فلم کی شوٹنگ میں حصہ لیا جس پر انہیں ماضی میں ان کے والدین کے ساتھ عکس بندی کرائی گئی فلم''نصیب'' کی یاد آگئی۔

بالی ووڈ کے لیجنڈری اداکاررشی کپور نے اداکارہ سوناکشی سنہا اورابھیشیک بچن کے ہمراہ ڈائریکٹراومیش شکلا کی فلم ''آل از ویل'' کی عکس بندی کرائی اور اس دوران انہیں 1981 میں ریلیز ہونے والی فلم ''نصیب'' کی یاد آگئی جب کہ اس فلم میں انہوں نے امیتابھ بچن اورشتروگن سنہا کے ساتھ مرکزی کردارادا کیا تھا۔ اپنے ٹوئٹرپیغام میں رشی کپور کا کہنا تھاکہ فلم ''نصیب '' کے کرداروں کے بچوں ابھیشیک بچن اورسوناکشی سنہا کے ساتھ کام کرکے ماضی کے لمحات یاد آگئے۔

OK.Just shot with ABjr and Sonakshi Sinha.Both kids of my "Nasseb"film actors. Sense of déjà vu.On my way back to #kapoorandsons Coonoor. YO

— Rishi Kapoor (@chintskap) June 11, 2015

دوسری جانب بالی ووڈ دبنگ گرل سوناکشی سنہا کاکہنا تھا کہ رشی انکل اور ابھیشیک بچن کے ساتھ فلم میں کام کرکے خوشی ہوئی جب کہ میرے لیے ان لمحات کو بھولنا نا ممکن ہے۔