اسلام آباد میں بلدیاتی انتخابات رکوانے کے لئے سپریم کورٹ میں درخواست دائر

الیکشن کمیشن نے 25 جولائی کو بلدیاتی انتخابات کا شیڈول جاری کردیا ہے۔ فوٹو: فائل

---

وفاقی دارالحکومت میں ہونے والے بلدیاتی انتخابات رکوانے کے لئے سپریم کورٹ میں درخواست دائر کردی گئی ہے۔

ایکسپریس نیوز کے مطابق مسلم لیگ (ن) کے رہنما ظفر علی شاہ نے اسلام آباد میں بلدیاتی انتخابات رکوانے کے لئے سپریم کورٹ میں درخواست دائر کردی ہے۔ درخواست میں الیکشن کمیشن، وزارت داخلہ اور وزارت قانون کو فریق بنایا گیا ہے۔

واضح رہے کہ الیکشن کمیشن نے 25 جولائی کو بلدیاتی انتخابات کا شیڈول جاری کردیا ہے جب کہ گزشتہ روز چیف الیکشن کمشنر سردار رضا محمد خان کی سربراہی میں ہونے والے اجلاس میں بھی اسلام آباد کے بلدیاتی انتخابات کے حوالے سے انتظامات کو حتمی شکل دینے کے لئے مختلف تجاویز پر غور کیا گیا تھا۔