پاک فوج کے 27 بریگیڈئیرز کی میجر جنرل کے عہدے پر ترقی

میجر جنرل کے عہدے پر تقری پانے والوں میں میڈیکل کور کے 8 بریگیڈئیر بھی شامل ہیں،آئی ایس پی آر فوٹو:فائل

---

پاک فوج کے پروموشنل بورڈ نے 27 بریگیڈئیرز کو میجر جنرل کے عہدے پر ترقی دینے کی منظوری دے دی۔

پاک فوج کے شعبہ برائے تعلقات عامہ (آئی ایس پی آر) کے مطابق آرمی چیف جنرل راحیل شریف کی زیر صدارت جنرل ہیڈکوارٹر میں پروموشنل بورڈ کا اجلاس ہوا جس میں 27 بریگیڈئیرز کو میجر جنرل کے عہدے پر ترقی کی منظوری دی گئی۔

اعلامیے کے مطابق جن افسران کو میجر جنرل کے عہدے پر ترقی دی گئی ان میں بریگیڈئیرمحمد عارف، بریگیڈئیر محمد ظفراقبال، بریگیڈئیرعلی عامراعوان، بریگیڈئیر آصف غفور، بریگیڈئیرمحمد علی، بریگیڈئیراظہرراشد، بریگیڈئیرسعید اختر، بریگیڈئیرندیم احمد انجم، بریگیڈئیرخالد جاوید، بریگیڈئیر خالد ضیا، بریگیڈئیرامجد علی خان، بریگیڈئیر عابد لطیف خان، بریگیڈئیر محمد سعید، بریگیڈئیر اختر نواز، بریگیڈئیرسردارحسن اظہرحیات، بریگیڈئیرمحمد رضاجلیل، بریگیڈئیرثاقب محمود ملک، بریگیڈئیرمحمد امتیازخان اور بریگیڈئیرعامرندیم شامل ہیں۔

میجرجنرل کے عہدے پر تقری پانے والوں میں میڈیکل کورکے 8 بریگیڈئیربھی شامل ہیں جن میں بریگیڈئیرسہیل عزیز، بریگیڈئیراسلم خان، بریگیڈئیروسیم احمد، بریگیڈئیر طارق حسین، بریگیڈئیر خاوررحمان، بریگیڈئیر صفدرعباس، بریگیڈئیرسلیم احمد خان اوربریگیڈئیرعمار رضا شامل ہیں۔