بالی ووڈ فلم ’’باغی‘‘ ریلیز کے پہلے دن سب سے زیادہ کمائی کرنے والی تیسری فلم بن گئی

پاکستان میں ایکسپریس میڈیا گروپ کے تعاون سے ریلیز ہونیوالی فلم ’’باغی‘‘ نے ڈیڑھ کروڑ سے زائد کا بزنس کرلیا۔

---

پاکستان کے سب سے بڑے ایکسپریس میڈیا گروپ کے تعاون سے ریلیز ہونے والی فلم ایکشن تھرل اور رومانوی فلم ''باغی'' نے دنیا بھر میں باکس آفس پر دھوم مچادی ہے اور ریلیز کے پہلے ہی روز 17 کروڑ سے زائد کا بزنس کرلیا ہے۔

بالی ووڈ کی ایکشن تھرل اور رومانوی فلم ''باغی'' نے اپنی ریلیز کے ساتھ ہی باکس آفس پر دھوم مچادی ہے جس کے بعد فلم رواں سال کی سب سے زیادہ کمائی کرنے والی تیسری بڑی فلم بن گئی ہے جب کہ فلم نے بھارت بھر میں ریلیز کے پہلے روز 11 کروڑ 87 لاکھ اور دنیا بھر سے 5 کروڑ سے زائد کی کمائی کی ہے۔

#Baaghi has a HEROIC start. TERRIFIC in mass circuits. Plexes picked up in evening. Fri ₹ 11.87 cr. India biz. Double digit Fri = SUPERBBB!

— taran adarsh (@taran_adarsh) April 30, 2016

دوسری جانب پاکستان میں بھی بالی ووڈ اسٹار ٹائیگر شروف اور شردھا کپور کی فلم سب سے بڑے ایکسپریس میڈیا گروپ کے تعاون سے ریلیز کی گئی جس نے پاکستان میں بھی ڈیڑھ کروڑ سے زائد کی کمائی کرلی ہے جب کہ ملک بھر کے سنیما گھروں میں فلم کی نمائش کامیابی سے جاری ہے جس کے بعد فلم کی پاکستان میں ریکارڈ کمائی کی توقع کی جارہی ہے۔

#Baaghi Overseas: $ 850,000 [₹ 5.65 cr]... Best in UAE-GCC [$ 493k], Pakistan [$ 161k], USA-Canada [$ 63k], UK [₹ 31k]... VERY GOOD!

— taran adarsh (@taran_adarsh) April 30, 2016