چین نے ٹریفک جام سے بچنے کیلیے گاڑیوں کے اوپرسے گزرنے والی بس تیارکرلی

بس اپنے ڈیزائن کے باعث گاڑیوں کے اوپر سے باآسانی گزر سکے گی جب کہ اس میں 12 مسافروں کے بیٹھنے کی جگہ ہوگی۔ فوٹو گیزمیگ

---

QUETTA: چین کی 19 ویں بیجنگ انٹرنیشنل ہائی ٹیک نمائش میں ماہرین نے ایک ایسی بس کا ماڈل پیش کیا جو سڑکوں پر چلتی گاڑیوں کے اوپر سے گزر سکے گی۔

چینی انجینئرز نے دنیا کی منفرد ترین بس کا مکمل ماڈل نمائش کے دوران حاضرین کو دکھایا۔ اس بس کو ٹرانزٹ ایلیویٹڈ بس کا نام دیا گیا ہے۔ یہ بس اس طرح ڈیزائن کی گئی ہے کہ دیگر گاڑیوں کے اوپر سے گزر سکے۔ اس کے نیچے اتنی جگہ موجود ہے کہ یہ باآسانی کئی کاروں کے اوپر سے گزر سکتی ہے۔ عام ٹرین کی طرح یہ بس بھی پٹڑی استعمال کرے گی لیکن اس کی پٹڑی کی چوڑائی ایک پورے روڈ کے برابر ہو گی۔ لیکن چونکہ اس کے نیچے جگہ خالی ہو گی اس لیے یہ روڈ کے کناروں پر چلتے ہوئے دیگر کاروں کے اوپر سے باآسانی گزرتے ہوئے چلی جائے گی۔

بس میں 12 سو مسافروں کے بیٹھنے کی گنجائش موجود ہو گی۔ اس سال کے اختتام تک یہ بسیں نہ صرف تیار ہوں گی بلکہ بیجنگ کی سڑکوں پر دوڑتی ہوئی بھی نظر آئیں گی۔