پاک فضائیہ کے سی ون تھرٹی نے دنیا کا سب سے بڑا ایئر شو اپنے نام کرلیا

رائل ائیر شو میں شریک پاکستان ائیرفورس کا سی ون ٹھرٹی ائیرکرافٹ برطانوی شہریوں کی توجہ کا مرکز بنا رہا، ترجمان پاک فضائیہ : فوٹو : پی پی آئی

---

پاک فضائیہ کے سی 130 طیارے نے برطانیہ میں ہونے والے دنیا کے سب سے بڑے ائیر فورس شو فئیر فورڈ رائل انٹرنیشنل ائیر شو ٹیٹو میں بہترین طیارے کے ٹرافی اپنے نام کرلی۔



ترجمان پاک فضائیہ کے مطابق 8 جولائی کو برطانیہ کے رائل ائیر بیس فئیرفورڈ میں دنیا کے سب سے بڑے ایئر شو فئیر فورڈ انٹرنیشنل ائیر شو ٹیٹو2016 کا انعقاد ہوا جس میں دنیا بھر سے 50 ممالک کے 200 طیاروں نے شرکت کی۔ ایئر شو میں پاک فضائیہ کے سی 130 نے بہترین طیارے کی ٹرافی جیت لی ہے۔



رائل ائیر شو میں شریک پاکستان ائیرفورس کا سی ون 30 ائیرکرافٹ برطانوی شہریوں کی توجہ کا مرکز بنا رہا۔ جہاز کو دہشت گردی کے خاتمے کے مناظر اور آپریشن ضرب عضب کے مناظر کو پینٹ کرکے سجایاگیا تھا جبکہ پی اے ایف کی جانب سے جہاز پر مختلف دستاویزی فلموں اور پروموز دکھانے کا بھی اہتمام کیا گیا۔