- عمران خان کا چیف جسٹس کو خط ، پی ٹی آئی کو انصاف دینے کا مطالبہ
- پہلی بیوی کی اجازت کے بغیر دوسری شادی، شوہر کو تین ماہ قید کا حکم
- پشاور میں معمولی تکرار پر ایلیٹ فورس کا سب انسپکٹر قتل
- پنجاب میں 52 غیر رجسٹرڈ شیلٹر ہومز موجود، یتیم بچوں کا مستقبل سوالیہ نشان
- مودی کی انتخابی مہم کو دھچکا، ایلون مسک کا دورہ بھارت ملتوی
- بلوچستان کابینہ نے سرکاری سطح پر گندم خریداری کی منظوری دیدی
- ہتھیار کنٹرول کے دعویدارخود کئی ممالک کو ملٹری ٹیکنالوجی فراہمی میں استثنا دے چکے ہیں، پاکستان
- بشریٰ بی بی کا عدالتی حکم پر شفا انٹرنیشنل اسپتال میں طبی معائنہ
- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا؛ طوفانی بارشوں میں 2 بچوں سمیت مزید 3 افراد جاں بحق، تعداد 46 ہوگئی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
لندن کو پیچھے چھوڑتے ہوئے بنکاک دنیا کا سب سے بڑا سیاحتی مرکز بن گیا
تھائی لینڈ کے دارالحکومت بنکاک نے دنیا بھر کے سیاحوں کا پسندیدہ ترین شہر ہونے کا اعزاز حاصل کرتے ہوئے لندن کو پیچھے چھوڑ دیا ہے۔
سیاحتی مقامات کی تازہ بین الاقوامی درجہ بندی کے مطابق تھائی لینڈ کا دارالحکومت بنکاک اس سال دنیا کا پسندیدہ ترین شہر قرار دیا گیا ہے۔ ماسٹر کارڈ کی جاری کردہ اس درجہ بندی (ریٹنگ) میں دنیا کے 132 شہر شامل ہیں جن میں بنکاک کے بعد دوسرے سے چوتھے نمبر پر بالترتیب لندن، پیرس اور دبئی ہیں۔
بنکاک، جنوب مشرقی ایشیا کی دوسری بڑی معیشت تھائی لینڈ کا دارالحکومت ہے جہاں اکتوبر 2015 سے ستمبر 2016 تک سیاحوں کا سب سے زیادہ ہجوم رہا۔ دستیاب اعداد و شمار کی بنیاد پر اندازہ لگایا گیا ہے کہ اس پورے سال (2016) کے دوران بنکاک آنے والے سیاحوں کی تعداد 2 کروڑ 14 لاکھ 70 ہزار رہے گی جب کہ اسی عرصے میں ایک کروڑ 98 لاکھ 80 ہزار متوقع سیاحوں کے ساتھ لندن کا دوسرا نمبر ہے۔
دو سال پہلے تک تھائی لینڈ میں حالات انتہائی خراب تھے اور وہاں خانہ جنگی کی کیفیت تھی لیکن اس کے فوراً بعد اس ملک میں قیامِ امن پر خصوصی توجہ دی گئی اور یوں وہاں سیاحوں کی تعداد ایک بار پھر سے بڑھنے لگی۔ اگرچہ اس سال بھی جنوبی تھائی لینڈ میں بم دھماکوں کا سلسلہ جاری رہا لیکن سیاحوں کی آمد اس سے بالکل بھی متاثر نہیں ہوئی۔
ماسٹر کارڈ کے چیف اکنامسٹ کا کہنا ہے کہ بنکاک میں آنے والے سیاحوں کو اپنی خرچ کی ہوئی رقم کے عوض بہترین سہولیات میسر آتی ہیں؛ اور یہی چیز اسے دنیا کا پسندیدہ ترین مقام بھی بناتی ہے۔ توقع ہے کہ اس سال کے اختتام تک تھائی لینڈ آنے والے سیاحوں کی تعداد 3 کروڑ 30 لاکھ ہوجائے گی جس میں سب سے زیادہ حصہ بنکاک کا ہوگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔