ڈیرہ اسماعیل خان میں مسافر کوچ کھائی میں گرنے سے 10 افراد جاں بحق

زخمیوں اور لاشوں کو درازندہ اسپتال منتقل کردیا گیا ہے، پولیٹیکل انتظامیہ: فوٹو: فائل

---

RAWALPINDI: ایف آر درازندہ کے علاقے بہران میں مسافر گاڑی کے کھائی میں گرنے سے 10 افراد جاں بحق جب کہ 12 افراد زخمی ہوگئے۔

ایکسپریس نیوزکے مطابق ڈیرہ اسماعیل خان میں ایف آر درازندہ کے علاقے بہران میں مسافر کوچ کے بریک فیل ہوگئے، جس کے نتیجے میں وہ کھائی میں جاگری، پولیٹیکل انتظامیہ نے واقعے میں 10 افراد کے جاں بحق جب کہ 12 کے زخمی ہونے کی تصدیق کی ہے۔

پولیٹیکل انتظامیہ کا کہنا ہے کہ زخمیوں اور لاشوں کو درازندہ اسپتال منتقل کردیا گیا ہے جہاں زخمی افراد کو طبی امداد فراہم کی جارہی ہے۔