- بلوچستان کے علاقے نانی مندر میں نایاب فارسی تیندوا دیکھا گیا
- ججز دھمکی آمیز خطوط، اسلام آباد ہائیکورٹ کا مستقبل میں متفقہ ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
- ایرانی صدر کا دورہ کراچی، کل صبح 8 بجے تک موبائل سروس معطل رہے گی
- ایرانی صدر ابراہیم رئیسی کراچی پہنچ گئے، مزار قائد پر حاضری
- مثبت معاشی اشاریوں کے باوجود اسٹاک مارکیٹ میں مندی کا رجحان
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
- سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
- بیوی کی ناک اور کان کاٹنے والا سفاک ملزم ساتھی سمیت گرفتار
- پنجاب میں پہلے سے بیلٹ باکس بھرے ہوئے تھے، چیئرمین پی ٹی آئی
- ٹریفک وارڈنز لاہور نے ایمانداری کی ایک اور مثال قائم کر دی
- مسجد اقصی میں دنبے کی قربانی کی کوشش پر 13 یہودی گرفتار
شمالی کوریا کے صدر کا سوتیلا بھائی ملائیشیا میں قتل
کوالالمپور: شمالی کوریا کے سربراہ ’کم جونگ اُن‘ کے سوتیلے اور بڑے بھائی ’کم جونگ نام‘ کو ملائیشیا کے کوالالمپور ایئرپورٹ پر قتل کردیا گیا۔
ملائیشیائی پولیس حکام کا کہنا ہے کہ جب تک کم جونگ نام کی پوسٹ مارٹم نہ آجائے تب تک وہ ان کی موت کی درست وجہ کے بارے میں کچھ نہیں کہہ سکتے لیکن عینی شاہدین اور طبی عملے کا کہنا ہے کہ کم جونگ پر دو نامعلوم لڑکیاں زہریلا اسپرے کرکے فرار ہوگئیں اور ایئرپورٹ پر بنے کلینک لے جاتے ہوئے بھی وہ بار بار یہی کہہ رہے تھے کہ انہیں زہریلے اسپرے سے شدید تکلیف ہورہی ہے۔ البتہ وہ طبی امداد ملنے سے پہلے ہی ہلاک ہوگئے۔
واضح رہے کہ 46 سالہ کم جونگ نام شمالی کوریا کے موجودہ سربراہ ’کم جونگ اُن‘ کے سب سے بڑے اور سوتیلے بھائی تھے؛ جو اپنے چھوٹے بھائی ’اُن‘ کے عتاب سے بچنے کےلیے پچھلے کئی سال سے شناختیں بدل بدل کر ملک بدری کی زندگی گزار رہے تھے تاہم ان کا زیادہ قیام سنگاپور، ملائیشیا اور سنگاپور میں رہتا تھا۔
عینی شاہدین کا کہنا ہے کہ کم جونگ نام، کوالالمپور ایئرپورٹ سے مکاؤ جانے کی تیاری کررہے تھے لیکن امیگریشن کے مرحلے سے پہلے ہی وہ کچھ خریداری کےلیے ایئرپورٹ پر بنے ایک اسٹور میں داخل ہوگئے جہاں دو لڑکیوں نے ان پر زہریلا اسپرے کردیا اور فرار ہوگئیں۔
کم جونگ نام پر 2011 میں بھی ناکام قاتلانہ حملہ ہوچکا تھا جب وہ مکاؤ میں تھے اور اس بارے میں کہا جاتا ہے کہ وہ حملہ ’اُن‘ نے شمالی کوریا کا اقتدار سنبھالتے ہی کروایا تھا۔
واضح رہے کہ کم جونگ اُن کو شمالی کوریا کا سفاک ترین سربراہ بھی کہا جاتا ہے کیونکہ انہوں نے نہ صرف اپنے دشمنوں کو بلکہ اپنے ہر اُس رشتہ دار تک کو بے رحمی سے قتل کروایا ہے جس سے انہیں اپنا اقتدار خطرے میں محسوس ہوا۔ 2011 میں حکومت سنبھالتے ہی ’اُن‘ نے اپنے سگے چچا کو غداری کے الزام میں مقدمہ چلا کر قتل کروادیا تھا کیونکہ ممکنہ طور پر وہ شمالی کوریا کے اقتدار پر قابض ہوسکتے تھے۔ کم جونگ اُن کو عین یہی خطرہ کم جونگ نام سے بھی تھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔