حالیہ دہشت گرد حملوں کی منصوبہ بندی افغانستان میں ہورہی ہے، ڈی جی آئی ایس پی آر

راولپنڈی: ڈی جی آئی ایس پی آر میجر جنرل آصف غفور کا کہنا ہے کہ پاکستان میں حالیہ دہشت گرد حملوں کی منصوبہ بندی افغانستان میں ہورہی ہے لیکن ہم ملک کا تحفظ کرتے ہوئے ان حملوں کا بھرپور جواب دیں گے ۔

Recent Ts acts are being exec on directions from hostile powers and from sanctuaries in Afghanistan. We shall defend and respond.

— Maj Gen Asif Ghafoor (@OfficialDGISPR) February 16, 2017

اس خبر کو بھی پڑھیں؛ درگاہ لعل شہباز قلندر میں خودکش حملے میں 38 افراد شہید

درگاہ لعل شہباز قلندر پر خودکش حملے کے بعد ڈی جی آئی ایس پی آر میجر جنرل آصف غفور نے سوشل میڈیا کی ویب سائٹ ٹوئٹر پر اپنی ٹوئٹ میں کہا کہ پاکستان میں حالیہ دہشت گرد حملوں کی منصوبہ بندی افغانستان میں ہورہی ہے اور دہشت گردی کی کارروائیوں کی ہدایات بھی افغانستان سے آرہی ہیں لیکن ہم ملک کا تحفظ کرتے ہوئے ان حملوں کا بھرپور جواب دیں گے۔

#COAS appeals nation to stay calm. "Your security forces shall not allow hostile powers to succeed. We stand for our nation".

— Maj Gen Asif Ghafoor (@OfficialDGISPR) February 16, 2017

ڈی جی آئی ایس پی آر کا کہنا تھا کہ آرمی چیف جنرل قمر جاوید باجوہ نے عوام سے پرسکون رہنے کی اپیل کرتے ہوئے کہا ہے کہ پاک فوج قوم کے ساتھ ہے اور دشمن طاقتوں کو کامیاب نہیں ہونے دے گی۔

واضح رہے کہ پاکستان میں گزشتہ 4 روز کے دوران 6 خودکش حملوں میں درجنوں افراد شہید اورسیکڑوں زخمی ہوچکے ہیں۔