حیدرآباد میں نیب کی کارروائی اکاؤنٹ آفیسر کے گھر سے خزانے کا انبار نکل آیا

ملزم کے گھر سے 9 قیمتی گاڑیاں، ایک کروڑ 70 لاکھ کی نقدی ،پرائزبانڈ، 37 ہزارسعودی ریال سمیت قیمتی زمینوں کے کاغذات ملے، فوٹو؛ ایکسپریس

---

حیدرآباد میں نیب کی کارروائی میں ایڈیشنل ڈسٹرکٹ اکاؤنٹ آفیسر کے گھر سے خزانے کا انبار نکل آیا۔

ایکسپریس نیوز کے مطابق حیدرآباد میں قومی احتساب بیورو (نیب) نے بڑی کارروائی کرکے ایڈیشنل ڈسٹرکٹ اکاؤنٹ آفیسرمشتاق احمد کو گرفتار کرلیا۔ گرفتاری کے بعد ملزم مشتاق احمد سے برآمد گی کی فہرست نکلی جس میں رہائش گاہ، فارم ہاؤس، شادی ہال شامل تھے۔



ملزم کی نشاندہی پر نیب نے دوسرے مقامات پرسرچ آپریشن کیا تو اس کے گھر سے 9 قیمتی گاڑیاں، ایک کروڑ 70 لاکھ کی نقدی ،پرائزبانڈ، 37 ہزارسعودی ریال، 3 کلوسونا، گھڑیاں،حیدرآباد، ہالہ اورکراچی میں بنگلے، زرعی اراضی اورفارم ہاؤس کی دستاویزات ملیں۔ ترجمان نیب کے مطابق ملزم مشتاق احمد کو چندروزپہلے گرفتارہونے والے پولیس کانسٹیبل یوسف اوراس کے بیٹے کی نشاندہی پرپکڑا گیا ہے۔