ورون اور عالیہ کی ’’بدری ناتھ کی دُلہنیا‘‘ باکس آفس پرچھاگئی

ممبئی: بالی ووڈ کے نوجوان اداکاروں کی جوڑی ورون دھون اور عالیہ بھٹ کی تیسری فلم ’’بدری ناتھ کی دُلہنیا‘‘ بھی باکس آفس پر چھاگئی جس نے اب تک دنیا بھر میں 100 کروڑ سے زائد کما لیے ہیں۔

ورون دھون اور عالیہ بھٹ نے ایک ہی فلم ’’اسٹوڈنٹ آف دی ایئر‘‘سے فلمی کیرئیر کا آغاز کیا اور خوب شہرت حاصل کی جب کہ دونوں اداکاروں کی جوڑی نے بلاک بسٹر فلموں میں اداکاری کے جوہر دکھائے لیکن اب نوجوان جوڑی کی ایک اورفلم کامیاب ہوگئی ہے۔

پروڈیوسرکرن جوہر کی فلم ’’بدری ناتھ کی دلہنیا‘‘ میں بالی ووڈ اسٹارز ورون دھون اورعالیہ بھٹ نے مرکزی کردار ادا کیا اور فلم باکس آفس پر بھی کامیابیاں سمیٹ رہی ہے جب کہ فلم 35 کروڑ کے مجموعی بجٹ سے تیار کی گئی ہے لیکن اس نے بھارت سمیت دنیا بھر میں مجموعی طور پر 120 کروڑ سے زائد کا بزنس کرلیا ہے۔

#BadrinathKiDulhania has an EXCELLENT Week 1… Collects ₹ 73.66 cr… Expected to dominate this week again… Day-wise data follows…

— taran adarsh (@taran_adarsh) March 17, 2017

فلم نے پہلے ہی ہفتے میں بھارت سے 73 کروڑ 66 لاکھ کی کمائی کی ہے جس کے بعد فلمی پنڈتوں نے بھی فلم کو باکس آفس پر سپر ہٹ قرار دیا ہے۔

#BadrinathKiDulhania Fri 12.25 cr, Sat 14.75 cr, Sun 16.05 cr, Mon 12.08 cr, Tue 7.52 cr, Wed 5.95 cr, Thu 5.06 cr. Total: ₹ 73.66 cr.

— taran adarsh (@taran_adarsh) March 17, 2017