پاک فوج نے عزیر بلوچ کو تحویل میں لے لیا، آئی ایس پی آر

راولپنڈی: پاک فوج نے لیاری گینگ کے سرغنہ اور کالعدم پیپلز امن کمیٹی کے سربراہ عزیر بلوچ کو تحویل میں لے لیا۔

پاک فوج کے شعبہ تعلقات عامہ ( آئی ایس پی آر) کے مطابق لیاری گینگ کے سرغنہ عزیز بلوچ کو آرمی ایکٹ 1923 کے تحت تحویل میں لے لیا گیا ہے۔ ملزم عزیر بلوچ پر غیرملکی خفیہ اداروں کو حساس معلومات فراہم کرنے کا الزام ہے۔

Uzair Baloch taken into military custody under Pakistan Army Act / Official Secret Act – 1923. (1 of 2)

— Maj Gen Asif Ghafoor (@OfficialDGISPR) April 11, 2017

On charges of espionage (leakage of sensitive security information to foreign intelligence agencies). (2 of 2)

— Maj Gen Asif Ghafoor (@OfficialDGISPR) April 11, 2017

ذرائع کے مطابق ملزم عزیر بلوچ نے دوران تفتیش بھارتی خفیہ ایجنسی ’’را ‘‘ اور ایرانی انٹیلی جنس ایجنسیوں سے بھی روابط کا اعتراف کیا تھا جب کہ ملزم کا پاکستان سے گرفتار بھارتی خفیہ ایجنٹ کلبھوشن یادیو سے بھی رابطوں کا انکشاف ہوا ہے۔ ذرائع کے مطابق محکمہ داخلہ سندھ نے عزیر بلوچ کے مقدمات کو فوجی عدالت منتقل کرنے کا فیصلہ کیا ہے۔

واضح رہے کہ رینجرز نے گزشتہ سال پاک ایران سرحدی علاقے سے عزیر بلوچ کو حراست میں لے تھا۔