- کراچی میں مرکزی مویشی منڈی کب اور کہاں سجے گی؟
- پاکستان ویسٹ انڈیز ویمن ٹی ٹوئنٹی سیریز کا پہلا میچ آج کھیلا جائے گا
- اسحاق ڈار کی پی ٹی آئی کو ساتھ کام کرنے کی پیش کش
- ٹی ٹوئنٹی ورلڈ کپ 2024 کی ٹرافی پاکستان پہنچ گئی، اسلام آباد میں رونمائی
- وزیر مملکت برائے آئی ٹی شزہ فاطمہ سے میٹا کے وفد کی ملاقات
- برطانیہ کا ایرانی ڈرون انڈسٹری پر نئی پابندیوں کا اعلان
- سزا اور جزا کے بغیر سرکاری محکموں میں اصلاحات ممکن نہیں، وزیر اعظم
- چوتھا ٹی ٹوئنٹی: نیوزی لینڈ کے ہاتھوں پاکستان کو مسلسل دوسری شکست
- حماس کی قید میں موجود اسرائیلی یرغمالی کی نئی ویڈیو جاری
- جامعہ کراچی میں قائم یونیسکو چیئرکے ڈائریکٹر ڈاکٹراقبال چوہدری سبکدوش
- تنزانیہ میں طوفانی بارشیں؛ سیلاب اور لینڈ سلائیڈنگ سے 155 افراد ہلاک
- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- جوحلف نامہ مجھ پر لاگو وہ تمام ججوں،جرنیلوں پر بھی لاگو ہو گا : واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ مسترد کردی
نواز شریف کو بہت جلد جانا پڑے گا، آصف زرداری
ایک کپتان نکلا ہے وہ خود کو پختون سمجھتا ہے لیکن اس کا شجرہ ٹائیگر نیازی سے ملتا ہے، شریک چیرمین پیپلزپارٹی
ایک کپتان نکلا ہے وہ خود کو پختون سمجھتا ہے لیکن اس کا شجرہ ٹائیگر نیازی سے ملتا ہے، شریک چیرمین پیپلزپارٹی، فوٹو؛ پی پی آئی
مردان: پاکستان پیپلز پارٹی کے شریک چیرمین آصف زرداری کا کہنا ہے کہ کسی جج نے وزیراعظم کو بے قصور نہیں کہا لہٰذا اب نوازشریف کو بہت جلد جانا پڑے گا۔
مرادن میں جلسے سے خطاب کرتے ہوئے آصف زرداری نے کہا کہ مجھ سے پہلے پختونوں کو شناخت دینے کی ہمت کسی نے نہیں کی، سی پیک کو چوری کیا گیا جس کو ہم ان سے واپس لے کر آپ کو دیں گے، سب جگہ سے سن رہا ہوں کہ آپ کے شناختی کارڈ بلاک کیے جارہے ہیں جس کے لیے میں حکومت وقت کو ذمہ دار ٹھہراتا ہوں اور مذمت کرتا ہوں۔ انہوں نے کہا ہمارا خواب تھا کہ فاٹا کو خیبرپختونخوا میں ضم کریں، ہم فاٹا کو کے پی کے میں ملائیں گے اور سب ساتھ مل کر رہیں گے جب کہ پی پی کی حکومت غریب، ہاریوں، لیبر اور عوام کی حکومت ہوگی اور اس میں صرف اور صرف نوکری ہوگی۔
آصف زرداری نے کہا کہ مجھے خیبرپختونخوا کے ہر علاقے میں جانا اور بتانا ہے کہ ان لٹیروں نے پاکستان کے ساتھ کیا کیا ہے، کہاں میں نے پاکستان چھوڑا تھا اور اب یہ کہاں پہنچ گیا ہے، ان کو سوائے اپنی تجوریاں بھرنے کے کچھ نہیں آتا، یہ جب سندھ جاتے ہیں تو کہتے ہیں کہ جیب بھر کر آیا ہوں، یہ کیا اپنی جیب سے پیسے دے رہے ہیں۔ انہوں نے کہا کہ نہ ان کے پاس شرم ہے اور نہ عوام کا درد ہے، یہ کس طرح کے حکمران ہیں جو لوگوں سے چھیننا جانتے ہیں دینا نہیں جب کہ پیپلزپارٹی نے ہمیشہ لوگوں کو دیا ہے چھینا نہیں، ہماری حکومت دوبارہ بنے گی اور ہم عوام کو دیں گے اور یہی پیپلزپارٹی کا منشور ہے۔
سابق صدر کا کہنا تھا کہ ایک کپتان نکلا ہے وہ خود کو پختون سمجھتا ہے اسی لیے نام میں خان لکھتا ہے لیکن نہ پشتو جانتا ہے اور نہ یہاں کا ایڈریس ہے، کہتا ہے میں خان ہوں اور پٹھان ہوں، پختون بننے کے لیے پہلے پشتو زبان چاہیے اور شجرہ چاہیے لیکن کپتان کا شجرہ سوائے ٹائیگر نیازی کے کسی سے نہیں ملتا، یہ لوگوں کو بیوقوف بناتا ہے، مجھ سے بھی 4 سال بڑا خود کو نوجوانوں کا لیڈر کہتا ہے۔ انہوں نے کہا کہ عمران خان مجھ سے بھی بڑے ہیں یہ نوجوانوں کے لیڈر کیسے ہوسکتے ہیں، بلاول بچوں کے لیڈر ہوسکتے ہیں لیکن عمران خان نہیں ہوسکتے۔
سابق صدر نے وزیراعظم کو تنقید کا نشانہ بناتے ہوئے نعرہ لگایا مک گیا تیرا شو نواز گو نواز گو نواز۔ انہوں نے کہا کہ مشکل تو یہ ہے کہ میاں صاحب نے کبھی کوئی کتاب نہیں پڑھی جس کتاب کا ذکر جج نے کیا ہے اگر وہ کتاب یہ پڑھ لیں تو انہیں سمجھ آجائے گا کہ جج یہ کیا کہہ رہے ہیں، یہ ججمنٹ مستقبل کے چیف جسٹس کی جانب سے دی گئی ہے جب کہ کسی جج نے نہیں کہا کہ یہ بے قصور ہیں، یہ بھی مٹھائی کھارہے اور کپتان بھی، یہ کیسا فیصلہ ہے کہ دونوں مٹھائیاں کھارہے ہیں۔ ان کا کہنا تھا کہ دونوں کو سمجھ نہیں آتی کہ کیا ہوا ہے، ججز نے کہہ دیا ہے کہ گو نواز گو جب کہ یہ وقت کی بات ہے بہت جلد نواز شریف کو جانا پڑے گا اور ملک میں دوبارہ انتخابات ہوں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔
