وزیراعظم کسی کی خواہش پراستعفیٰ نہیں دیں گے اسپیکر قومی اسمبلی

عدلیہ کا احترام کرتے ہیں لیکن جے آئی ٹی کے حوالے سے جو تحفظات ہیں وہ سپریم کورٹ میں جمع کرا دیئے ہیں، ایاز صادق۔ فوٹو: فائل

---

اسپیکر قومی اسمبلی سردار ایاز صادق کا کہنا ہے کہ وزیراعظم نواز شریف کسی کی خواہش پر استعفیٰ نہیں دیں گے۔

لاہور میں مسلم لیگ (ن) کی جانب سے دیئے گئے افطار ڈنر سے خطاب کرتے ہوئے سردار ایاز صادق کا کہنا تھا کہ خواہشات سے وزیراعظم نہیں بنا جا سکتا بلکہ عوام کی محبت اور ووٹ کی طاقت سے وزیراعظم بنا جا سکتا ہے، وزیراعظم نواز شریف کسی کی خواہش پر استعفیٰ نہیں دیں گے۔

اس خبر کو بھی پڑھیں: عمران مجھے اسپیکر کے بجائے ایاز صادق کہہ لیں لیکن ایوان میں ضرور آئیں

اسپیکر قومی اسمبلی کا کہنا تھا کہ ہم عدلیہ کا احترام کرتے ہیں لیکن پاناما کیس کی تحقیقات کرنے والی جے آئی ٹی کے حوالے سے جو تحفظات ہیں وہ سپریم کورٹ میں جمع کروا دئیے ہیں۔ انہوں نے کہا کہ مسلم لیگ (ن) کے لئے راستے بند نہیں ہو رہے بلکہ راستے ان لوگوں کے لئے بند ہو رہے ہیں جو اسلام آباد کے ڈرائنگ روم میں بیٹھ کر سیاست کرتے ہیں۔