نادرا نے ’’سم‘‘ کے اجرا کیلیے بائیو میٹرک ویریفکیشن سسٹم تیار کرلیا

کمپیوٹرائزڈ ڈیٹاکی تصدیق کیلیے صرف15سیکنڈ درکار ہونگے، آن لائن تصدیق کے بعدصارف کی سم فعال کردی جائیگی ، ترجمان نادرا۔ فوٹو: فائل

---

لاہور: نادرا نے ٹیلی کام اپریٹرز کیلیے بائیومیٹرک تصدیقی نظام کامیابی سے تیار کرلیا ہے28فروری سے سسٹم کے ذریعے شہریوں کو موبائل فون کی سم تصدیق کے بعد اجراکیلیے ہر طرح تیار ہے۔

یہ بات نادرا ترجمان نے جاری بیان میں کہی ترجمان نے مزید کہا کہ وزیر اعظم کیساتھ ملاقات میں تمام ٹیلی کامآپریٹرز نے28 فروری سے بائیومیٹرک تصدیق کے سسٹم کے ذریعے موبائل فون کی سم کے اجراکیلیے اتفاق کیا تھا اس سسٹم کے ذریعے ہر شہری کوسیلولرآپریٹرکے کسٹمر سروس سینٹر یا فرنچائز پر سم حاصل کرنے کیلیے خود جانا ہوگا اور کمپیوٹرائزڈ شناختی کارڈ کے ڈیٹا کی تصدیق کیلیے اپنے فنگر پرنٹس دینا ہوں گے اس کام میں صرف 15سیکنڈ درکار ہونگے اور یہ تصدیق آن لائن ہوجائیگی جس کے بعد سم فعال کردی جائیگی۔

 



قانون نافذ کرنیوالے حلقوں کو یقین ہے کہ اس اقدام سے غیرقانونی سموں کے ذریعے دہشتگردی، بھتہ خوری اور دیگر جرائم کا قلع قمع کرنے میں مدد ملے گی، پاکستان میں سیلولر فون استعمال کرنے والوں کی بڑی تعداد ہے، کمیونی کیشن کا بہتر ذریعہ ہونے کے باوجود اس کے غلط استعمال سے سیکیورٹی رسک میں اضافہ ہوا ہے بائیومیٹرک ویریفکیشن سروس سے قبل اختیار کیے جانیوالے طریقہ کار میں دھوکا دہی ممکن تھی اب فنگر پرنٹ کے موازنے کی سہولت کے ذریعے بہتر تصدیق ہوگی اور جعلی شناخت پرسم کا اجرا ختم ہو جائے گا۔

نادرا نے سسٹم کے حوالے سے پاکستان ٹیلی کمیونی کیشن پی ٹی اے اور سیلولر کمپنیوں بشمول موبی لنک ٹیلی نار یوفون وارد اور زونگ کے نمائندوں کو سسٹم کی سروس اور ایپلی کیشن کے بارے میں بتایا اور سسٹم کے فنکشن کا مظاہرہ کیا نادرا نے سسٹم کی سیکیورٹی اور کارکردگی کی بنیاد پر ٹیلی کام آپریٹرز کو لچکدار ارکیٹیکچرتجویزکیا ہے جبکہ ایک ڈرافٹ کنٹریکٹ پہلے ہی بھیج دیا گیا ہے، نادراترجمان نے کہاہے کہ وزیراعظم کے ساتھ ملاقات میںتمام ٹیلی کام آپریٹرزنے 28فروری سے بائیومیٹرک تصدیق کے سسٹم کے ذریعے موبائل فون کی سِم کے اجرا کیلیے اتفاق کیاتھا۔