10 سال سیکیورٹی فورسز پر حملوں میں سویلین آبادی بھی نشانہ بنی

اس نئی ٹیکنالوجی کا مقابلہ کرنے کیلیے کام ہورہا ہے تاہم عوام کو آگاہی ضروری ہے. فوٹو: فائل

---

گزشتہ10 سال کے دوران ملک میں دیسی ساختہ دھماکا خیزمواد سے جہاں سیکیورٹی فورسزکو مختلف جگہوں پر نشانہ بنایا گیا ہے وہاں سویلین آبادی بھی اس کا بڑی حد تک شکارہوئی ہے۔

دنیا کے مختلف ملکوں کی طرح پاکستان میں بھی دیسی ساخت کے بم بڑی تباہی کا باؑعث بن رہے ہیں ۔ سیکیورٹی ذرائع کے مطابق ملک کے مختلف شہروں میں سیکیورٹی ادارے تباہی کا باعث بننے والی اس نئی ٹیکنالوجی کا مقابلہ کرنے کیلیے انتہائی کامیابی کے ساتھ کام کر رہے ہیں اور پیشہ ورانہ ادارے بھی قائم کیے گئے ہیں تاہم لوگوں کو اس بارے میں آگاہی فراہم کرنا بھی ضروری ہے تاکہ مختلف جگہوں پر تباہی کا باعث بننے والے دیسی ساختہ بموں کا مقابلہ کیا جا سکے۔



ملک کے اندر گزشتہ10سال کے دوران دیسی بموں سے بہت تباہی ہوئی ہے۔ ذرائع کے مطابق اس ٹیکنالوجی پرکم لاگت آنے کے باعث جنگجو اس کا استعمال زیادہ کر رہے ہیں اور یہ دیسی ساختہ بم مختلف سائز میں تیار کیے جاتے ہیں۔