پربھاس فلم ’’ساہو‘‘ میں شردھا کے ساتھ بالی ووڈ ڈیبیو کریں گے

ممبئی: باہو بلی سے شہرت کی بلندیوں پر پہنچنے والے اداکار پربھاس عاشقی ٹو کی ہیروئن شردھا کپور کے ساتھ بالی ووڈ ڈیبیو کریں گے۔

ہدایت کارسوجیت کی نئی سائنس فکشن فلم ’’ساہو‘‘ کی ہیروئن کے حوالے سے مختلف قیاس آرائیاں کی جارہی تھیں اور اس حوالے سے کترینہ، دپیکا، پرینتی سمیت مختلف اداکاراؤں کے نام لیے جارہے تھے مگر ’’ساہو‘‘ کی ٹیم نے اپنی پہلی ہی فلم ’عاشقی 2‘ سے شہرت کی بلندیوں کو چھونے والی اداکارہ شردھار کپورکو بطور ہیروئن کاسٹ کرکے تمام قیاس آرائیوں کا گلا گھونٹ دیا۔

اس خبر کو بھی پڑھیں؛ کترینہ کو ’’باہوبالی‘‘ کے ساتھ فلم کی پیشکش

فلم کے پروڈیوسر ویمسی اور پراموڈ نے باہوبلی 2 سے شہرت کی بلندی پر پہنچنے والے پربھاس کو  فلم میں ہیرو کی آفر کی جو انہوں نے قبول کرلی۔

اس خبر کو بھی پڑھیں؛ کرن جوہر کا پربھاس کو بالی ووڈ میں متعارف کرانے کا فیصلہ

فلم پروڈیوسرز کا ایک انٹریو میں کہنا تھا کہ ’’ساہو‘‘  سائنس فکشن فلم ہے جو ایکشن سے بھرپور ہے جب کہ فلم ہندی کے ساتھ  تامل اور تیلگو میں بھی ریلیز کی جائے گی۔