- قطر نے 12 سال کی فاتح سنگاپورسے دنیا کے بہترین ایئرپورٹ کا اعزاز چھین لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
پاکستان نے ورلڈالیون کو شکست دیکرآزادی کپ اپنے نام کرلیا
لاہور: پاکستان نے آزادی کپ کے فیصلہ کن معرکے میں ورلڈ الیون کو 33 رنز سے شکست دے کر 3 میچوں کی سیریز 1-2 سے اپنے نام کرلی۔
قذافی اسٹیڈیم لاہور میں کھیلے گئے آزادی کپ سیریز کے آخری معرکے میں پاکستان کے 183 رنز کے جواب میں ورلڈ الیون کی جانب سے ہاشم آملہ اور تمیم اقبال نے اننگز کا آغاز کیا۔
تمیم اقبال نے پہلے ہی اوور میں لاٹھی چارج کرتے ہوئے عماد وسیم کو 3 چوکے رسید کیے لیکن اگلے ہی اوور میں عثمان خان شنواری نے شاندار بولنگ کا مظاہرہ کرتے ہوئے تمیم اقبال کو کلین بولڈ کرکے 14 رنز پر واپس پویلین بھیج دیا۔
OUT! 1.6 Usman Khan to Tamim
Watch the match at https://t.co/ZWOxe07EbG#CricketKiHalalala #PAKvWXI pic.twitter.com/lUQKkDyITz— PCB Official (@TheRealPCB) September 15, 2017
ہاشم آملہ نے چوتھے اوور میں عثمان کو 3 چوکے لگائے مگر اگلے اوور کی پہلی گیند پر حسن علی نے بین کٹنگ کو بولڈ کیا اور اس سے اگلی ہی گیند پر ہاشم آملہ بھی 21 رنز بناکر رن آؤٹ ہوگئے جب کہ رومان رئیس نے چھٹا اوور میڈن کرکے ورلڈالیون کی مشکلات میں اضافہ کیا۔
کپتان فاف ڈپلسی بھی 13 رنز بناکر رن آؤٹ ہوئے جب کہ اپنا پہلا میچ کھیلنے والے جارج بیلے بھی صرف 3 رنز ہی بناسکے تاہم ورلڈ الیون کو اپنی جارحانہ اننگز سے دوسرے میچ میں فتح سے ہمکنار کروانے والے پریرا نے ایک بار پھر گراؤنڈ میں آتے ہی چھکوں کی برسات کردی اور شاداب خان کو مسلسل 3 چھکے رسید کیے مگر وہ بھی 13 گیندوں پر 32 رنز کی اننگز کھیل کر پویلین واپس لوٹ گئے۔
OUT! 16.6 Hasan Ali to Miller
Watch the match at https://t.co/ZWOxe07EbG#CricketKiHalalala #PAKvWXI pic.twitter.com/GWedI4rsau— PCB Official (@TheRealPCB) September 15, 2017
ڈیرن سیمی اور ڈیوڈ ملر نے آخری لمحات میں برق رفتار اننگز کھیلی مگر ڈیوڈ ملر اپنے ساتھی کا زیادہ دیر ساتھ نہ دے سکے اور 33 رنز پر آؤٹ ہوگئے تاہم ڈیرن سیمی آخری وقت تک پچ پر ڈٹے رہے لیکن وہ ٹیم کو فتحیاب نہ کرواسکے جب کہ رومان رئیس اور حسن علی نے اختتامی اوورز میں شاندار بولنگ کا مظاہرہ کرتے ہوئے ورلڈالیون کے بلے بازوں کو کھل کر کھیلنے کا موقع نہیں دیا۔
اس سے قبل ورلڈ الیون کے کپتان فاف ڈپلسی نے ٹاس جیت کر پاکستان کو پہلے بیٹنگ کی دعوت دی ، قومی ٹیم کی جانب سے فخر زمان اور احمد شہزاد نے اننگز کا آغاز کیا۔
دونوں اوپنرز نے جارحانہ آغاز کرتے ہوئے پہلے ہی اوور میں 12 رنز بنائے اور احمد شہزاد نے دوسرے اوور میں بھی 2 شاندار چوکے لگائے جب کہ فخرزمان نے بھی پچھلے میچ کے ہیرو تھیسارا پریرا کو شاندار چھکا رسید کیا ۔
SIX! 5.4 Thisara Perera to Fakhar Zaman
Watch the match at https://t.co/ZWOxe07EbG#CricketKiHalalala #PAKvWXI pic.twitter.com/IyecnoAN97— PCB Official (@TheRealPCB) September 15, 2017
دونوں اوپنرز نے ٹیم کو 61 رنز کا اچھا آغاز فراہم کیا لیکن احمد شہزاد نے ڈیرن سیمی کی ایک گیند کو اسٹریٹ ڈرائیو مارنے کی کوشش کی لیکن بدقسمتی سے گیند سیدھی جاکر وکٹوں میں لگنے سے دوسری طرف موجود فخرزمان رن آؤٹ ہوگئے۔
OUT! 8.2 Sammy to Ahmed Shehzad (run out) Fakhar Zaman
Watch the match at https://t.co/ZWOxe07EbG#CricketKiHalalala #PAKvWXI pic.twitter.com/GadZDsU7zK— PCB Official (@TheRealPCB) September 15, 2017
پچھلے 2 میچوں کی نسبت احمد شہزاد آج جارحانہ موڈ میں دکھائے دیے اور گراؤنڈ کے چاروں اطراف شاندار اسٹروکس کھیلتے ہوئے 37 گیندوں پر اپنی نصف سنچری مکمل کی جس کے بعد اوپنر نے مزید جارحانہ اننگز کھیلتے ہوئے 18ویں اوور میں بین کٹنگ کو 3 مسلسل چھکے رسید کیے۔
SIX! 17.3 Cutting to Ahmed Shehzad
Watch the match at https://t.co/ZWOxe07EbG#CricketKiHalalala #PAKvWXI pic.twitter.com/QRUssvBXPj— PCB Official (@TheRealPCB) September 15, 2017
بین کٹنگ کو 3 چھکے لگانے کے بعد احمد شہزاد بدقسمتی سے اگلی ہی گیند پر رن آؤٹ ہوگئے اور صرف 11 رنز سے اپنی نصف سنچری مکمل نہ کرسکے، 55 گیندوں پر 89 رنز کی شاندار اننگز کھیل کر پویلین واپس لوٹے۔
دونوں میچز میں آخری لمحات میں جارحانہ اننگز کھیلنے والے شعیب ملک آج بھی موڈ میں دکھائی دیے اور تیسرے ہی گیند پر شاندار چھکا رسید کرکے اپنا اکاؤنٹ کھولا۔
SIX! 18.5 Morne Morkel to Shoaib Malik
Watch the match at https://t.co/ZWOxe07EbG#CricketKiHalalala #PAKvWXI pic.twitter.com/L3kYctETi5— PCB Official (@TheRealPCB) September 15, 2017
پہلے میچ کے مین آف دی میچ بابر اعظم نے تیسرے میچ میں بھی ذمہ دارانہ بیٹنگ کا مظاہرہ کرتے ہوئے 48 رنز کی اننگز کھیلی جس میں 5 چوکے شامل تھے جب کہ شعیب ملک 17 رنز پر ناٹ آؤٹ رہے۔
Pakistan team group photo with former Captains @captainmisbahpk and @SAfridiOfficial #CricketKiHalalala#PAKvWXI pic.twitter.com/wEaJUzPb3d
— PCB Official (@TheRealPCB) September 15, 2017
احمد شہزاد کو شاندار اننگز کھیلنے پر مین آف دی میچ جب کہ بابر اعظم کو پوری سیریز میں شاندار بیٹنگ کرنے پر مین آف دی سیریز سے نوازا گیا۔
میچ کے بعد بات کرتے ہوئے ورلڈ الیون کے کپتان کا کہنا تھا کہ اچھا تجربہ ہوا جنوبی افریقہ جا کر ساتھی کھلاڑیوں اور بورڈ کو بتاوں گا، پاکستان میں اچھا وقت گزرا ، اچھی یادیں لے کر جا رہے ہیں جب کہ پاکستان کی عوام نے بہت پیار دیا، توقع ہے کہ دوبارہ بھی پاکستان آئیں گے۔
دوسری جانب قومی ٹیم کے کپتان نے سیکیورٹی فورسز تماشائیوں اور گراؤنڈ مین سمیت تمام ذمہ داران کا شکریہ ادا کرتے ہوئے کہا کہ ہم نے بہت انجوائے کیا جب کہ ابھی ٹیم بن رہی ہے پھر ٹیسٹ کی ٹیم بنے گی، کوشش یہی ہے کہ ہر لڑکے کو ساتھ لے کر چلیں۔ انہوں نے کہا کہ بیٹنگ ، بولنگ ہر شعبے میں اچھی پرفارمنس رہی، فٹنس اچھی ہو گی تو ہر شعبے میں بہتری آتی ہے جب کہ تمام لڑکوں نے شاندار کھیل کا مظاہرہ کیا۔
The Ride, The Crowd! The Champions! Thank you Lahore! #CricketKiHalalala#PAKvWXI pic.twitter.com/oi2GgeQOEr
— PCB Official (@TheRealPCB) September 15, 2017
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔